တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က 'ကျွန်ုပ်၏စိတ်ထဲတွင် အသင်တို့အပေါ် စွပ်စွဲလို (သံသယရှိနေ )သောကြောင့် ကျိန်ဆိုစေခြင်းမဟုတ်ပါ။ သို့သော် ဂျီဗ်ရီလ် (အလိုင်ဟိစ်စလာမ်) သည် ကျွန်ုပ်ထံသို့ ရောက်ရှိလာပြီး အလ္လာဟ်အရှင်မြတ်သည် မလာအိကဟ်ကောင်းကင်တမန်များရှေ့တွင် အသင်တို့အပေါ်၌ ဂုဏ်ယူတော်မူကြောင်း ကျွန်ုပ်အား သတင်းပေးခဲ့ခြင်းကြောင့်( ကျိန်ဆိုခိုင်းရခြင်းဖြစ်သည် ) ဟု မိန့်ကြားတော်မူခဲ့သည်။
အဘူစအီဒ် ခုဒ်ရီ (ရဿွိယလ္လာဟု အန်ဟု ) ကဆင့်ပြန်ပြောပြခဲ့သည်မှာ - "မုအာဝိယာ (ရဿွိယလ္လာဟု အန်ဟု) သည် ဗလီထဲရှိ ထိုင်ဝိုင်းတစ်ခုထံသို့ ရောက်လာပြီး မေးမြန်းခဲ့သည်မှာ- ''သင်တို့ကို ဘယ်အရာက (ဤနေရာ၌) ထိုင်စေခဲ့သနည်း။' သူတို့က 'ကျွန်ုပ်တို့သည် အလ္လာဟ်အရှင်မြတ်အား သတိရတသခြင်း (ဇိက…