မည်သူမဆို “سُبْحَانَ اللّٰهِ وَبِحَمْدِهِ” ကို တစ်ရက်လျှင် အကြိမ်တစ်ရာ ရွတ်ဆိုမည်ဆိုပါက ထိုသူ၏ အပြစ်အကုသိုလ်များသည် ပင်လယ်ရေမြှုပ်ပမာများပြားခဲ့လျှင်လည်း ပယ်ဖျက်ခြင်းခံရမည်ဖြစ်သည်။

ဤဇိက်ရ်တော်ကို တစ်ရက်လျှင် (အကြိမ်တစ်ရာ) တဆက်တည်း ရွတ်ဆိုသည်ဖြစ်စေ၊ ခွဲ၍ရွတ်ဆိုသည်ဖြစ်စေ ထိုအကျိုးကုသိုလ်ကိုရရှိမည်ဖြစ်သည်။
“သတ်စ်ဗီးဟ်”ဟူသည် အလ္လာဟ်အရှင်မြတ်သည် ချို့တဲ့မှုအပေါင်းမှကင်းစင်တော်မူကြောင်း မြွက်ဆိုခြင်းဖြစ်သည်။ “ဟမ်ဒ်” ဟူသည် ချစ်ခင်မှု ဂုဏ်ပေးလေးစားမှုနှင့်တကွအရှင်မြတ်၏ ပြည့်စုံလှသော ဂုဏ်တော်များဖြင့် အရှင်မြတ်အား ဂုဏ်ပေးချီးမွမ်းခြင်းဖြစ်သည်။
ဟဒီးဆ်တော်၌လာရှိသော အပြစ်အကုသိုလ်များကို ပယ်ဖျက်ခြင်းဟူသည် ‘ဆွဂီရဟ်’ သေးငယ်သော အပြစ်အကုသိုလ်များကိုဆိုလိုသည်။ ‘ကဗီရဟ်’ ကြီးလေးသော အပြစ်အကုသိုလ်များအတွက်မူ သောင်ဗဟ် အမှားဝန်ချတောင်းပန်ရန် လိုအပ်သည်။