အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။

အပြစ်အကုသိုလ်များကို ကြီးလေးသောအပြစ်အကုသိုလ်နှင့် သေးငယ်သောအပြစ်အကုသိုလ် ဟူ၍ ခွဲခြားထားသည်။
သေးငယ်သော အပြစ်အကုသိုလ်များ ပလပ်ခံရရန်အတွက် ကြီးလေးသော အပြစ်အကုသိုလ်များကို ရှောင်ကြဉ်ရမည်ဟူ၍ စည်းကမ်းသတ်မှတ်ထားသည်။
ကြီးလေးသော အပြစ်အကုသိုလ်ဆိုသည်မှာ ဤလောက၌ ပြစ်ဒဏ်ပေးရန် သတ်မှတ်ထားသော အပြစ်အကုသိုလ်များ သို့မဟုတ် နောင်တမလွန်တွင် အဇာဗ်ပြစ်ဒဏ်ပေးခံရမည် သို့မဟုတ် အရှင်မြတ်၏ အမျက်ဒေါသကျရောက်မည်ဟု ခြိမ်းခြောက်ထားသော အပြစ်အကုသိုလ်များ သို့မဟုတ် ကျူးလွန်သူအပေါ် လအ်နသ်ကျရောက်မည်ဟု သတိပေးခြိမ်းခြောက်ထားသော အပြစ်အကုသိုလ်များကို ခေါ်ဆိုသည်။ ဥပမာ- တရားမဝင်ကာမကျူးလွန်ခြင်း၊ အရက်သောက်ခြင်းစသည်တို့ဖြစ်သည်။