እናንተ ሰዎች ሆይ! ወደ አላህ ተመለሱ (ተውበት አድርጉ)፤ እኔ በቀን መቶ ጊዜ ወደርሱ እመለሳለሁ (ተውበት አደርጋለሁ።)

እያንዳንዱ የኢማን ደረጃው ከፍ ያለ ቢሆን እራሱ ወደ አላህ መመለስ ይገባዋል። ሁሉም ሰው የአላህን ሐቅ ከመወጣት በኩል ያጎደለው ነገርም ሳይኖር አይቆርምና ነፍሱን በተውበት ማሟላት ይገባዋል። {ምእመናኖች ሆይ! ትድኑ ዘንድ ሁላችሁም ወደ አላህ (በመመለስ) ተጸጸቱ።}
ክልክሎችንና ወንጀሎችን ለፈፀመም ይሁን ግዴታዎችን ከመፈፀም ያጓደለም ባጠቃላይ ተውበት ማድረግ ይገባዋል።
ተውበት ሲያደርጉ ለአላህ አጥርቶ ማድረግ ተውበቷ ተቀባይነት እንድታገኝ መስፈርቷ ነው። ከአላህ ውጪ ለሆነ አካል ወንጀልን የተወ ሰው ተውበት አደረገ አይባልም።
ነወዊይ እንዲህ አሉ: "ተውበት ሶስት መስፈርቶች አሉት። ከወንጀሉ መውጣት፣ ወንጀሉን በመፈፀሙ መፀፀት፣ ወደመሰል ወንጀሎች ላይመለስ ቁርጠኛ የሆነ ውሳኔ መወሰን ናቸው። ወንጀሏ ከሰው ልጅ ጋር ተያያዥነት ካላት አራተኛ መስፈርት አላት። እርሱም: የሰራውን በደል ወደ ባለቤቱ መመለስ ወይም ከርሱ መጥራትን ማስገኘት ነው።
የነቢዩ (የአላህ ሰላትና ሰላም በእርሳቸው ላይ ይስፈን) ምህረት መጠየቅ ለሰሩት ወንጀል መሆን እንደማይጠበቅበት መገንዘብ ያስፈልጋል። ይልቁንም ይህ ባርነታቸው የተሟላ ስለሆነ፤ አላህን በማውሳት ልባቸው የተንጠለጠለች ስለሆነ፤ የአላህ ሐቅ ትልቅ እንደሆነ ለማሳወቅ፤ ባሪያው ምንም ያህል ቢሰራ የአላህን ፀጋ ማጓደሉ እንደማይቀር ለመግለፅ፤ ከርሳቸው በኋላ ለኡመታቸው ከመደንገግ አኳያና ከዚህም ውጪ በርካታ ጥበቦችን ይዟል።