मानिसले खर्च गर्ने सबैभन्दा उत्तम दीनार (पैसा) त्यो हो जुन ऊ आफ्नो परिवारमाथि खर्च गर्छ, त्यसपछि त्यो पैसा जुन ऊ अल्लाहको मार्गमा आफ्नो सवारी (जनावर) माथि खर्च गर्छ, त्यसपछि त्यो पैसा जुन ऊ अल्लाहको मार्गमा आफ्ना साथीहरूमाथि खर्च गर्छ।

यस हदीसमा खर्च (नफ़क़ा) लाई प्राथमिकताको आधारमा क्रमबद्ध गर्ने तरीका वर्णन गरिएको छ। अर्थात्, जब विभिन्न स्थानहरूमा खर्च गर्ने आवश्यकता एकैसाथ देखा पर्छ, तब पहिले उच्च दर्जाको र बढी योग्य स्थानलाई प्राथमिकता दिनु आवश्यक हुन्छ। खर्चका विकल्पहरू एकैसाथ आइलागेको अवस्थामा यसै अनुसार ध्यानपूर्वक खर्च गर्नुपर्छ।
आफ्नो घर-परिवारमा खर्च गर्नु अरूका लागि खर्च गर्नुभन्दा धेरै पुण्यदायी हुन्छ।
अल्लाहको निम्ति जिहादको मार्गमा खर्च गर्नु सबैभन्दा उच्च र श्रेष्ठ खर्च मानिन्छ । यसमा जिहादका लागि आवश्यक हतियारको व्यवस्था गर्नु, मुजाहिदहरूलाई तयारी गराउनु र उनीहरूको सहयोगका लागि आवश्यक सामग्री उपलब्ध गराउनु आदि समावेश हुन्छन्।
केही विद्वानहरूको भनाइअनुसार अल्लाहको मार्गमा संघर्ष अन्तर्गत हजआदीजस्ता सम्पूर्ण आज्ञाकारिताका कार्यहरू पर्छन्।