“तिमीहरूले अल्लाह र उहाँका रसूलप्रति विश्वास नगरेसम्म स्वर्गमा प्रवेश गर्ने छैनौ, र तिमीहरूले एकअर्कासँग प्रेम नगरेसम्म तिमीहरूको आस्था पूर्ण हुने छैन। के म तिमीहरूलाई एउटा यस्तो कुरा नबताऊँ, जुन यदि तिमीहरूले गर्न थाल्यौ भने तिमीहरू आपसमा माया गर्नेछौ? तिमीहरू आपसमा सलाम (शान्तिको अभिवादन) फैलाऊ।”

स्वर्गमा प्रवेश गर्नलाई आस्थावान् हुन अनिवार्य छ ।
पूर्ण आस्था भनेको मुस्लिमले आफ्नो भाइको लागि त्यही मनपराउनु हो जुन उसले आफ्नो लागि मन पराउँछ ।
मुस्लिमहरूबीच सलाम (शान्तिको अभिवादन) फैलाउनु र व्यवहारिक रूपले प्रसार गर्नु मुस्तहब (पुण्यदायी) कार्य हो, किनभने यसले मानिसहरूबीच प्रेम र शान्ति फैलाउँछ।
सलाम मुस्लिमहरूलाई मात्र गरिनेछ । किनभने हदीसमा "तिमीहरू बीच" भनी उल्लेख गरिएको छ ।
सलाम (अभिवादन) गर्दा बोलचाल विच्छेद, इर्ष्या र शत्रुताको अन्त्य हुन्छ ।
यो हदीसले मुस्लिमहरू बीचको आपसी प्रेमको महत्त्व र यसको अभावमा आस्था अपूर्ण रहन्छ भन्ने कुरालाई स्पष्ट पार्दछ।
‘अस्सलामु अलैकुम व रह्मतुल्लाहि व बरकातुहु’ सलामको पूर्ण रूप हो, जुन अर्को हदीसमा उल्लेख गरिएको छ र ‘अस्सलामु अलैकुम’ भन्नु पनि पर्याप्त हुन्छ ।