စွဗ်ဟာနလ္လာဟ် (အလ္လာဟ်အရှင်မြတ် စင်ကြယ်သန့်ရှင်းတော်မူ၏) မုအ်မင်န်ယုံကြည်သူသည် မသန့်မဖြစ်ပါဟု မိန့်ကြားတော်မူခဲ့၏။

ဂျနာဗသ်သည် ဆွလာသ်ဝတ်ပြုခြင်း၊ ကုရ်အာန်ကျမ်းမြတ်ကို ထိခြင်း နှင့် ဗလီကျောင်းတော်အတွင်း နေထိုင်ခြင်းတို့မှ တားမြစ်ထားသည်။ သို့ရာတွင် ဂျနာဗသ်သည် မွတ်စ်လင်မ်များနှင့် အတူထိုင်ခြင်း၊ ဆုံတွေ့ခြင်းတို့မှ တားမြစ်ခြင်းမရှိသလို၊ ဂျနာဗသ်ကြောင့် လူသားသည် မသန့်ရှင်းသူ အဖြစ် မပြောင်းလဲသွားပါ။
မုအ်မင်န်ယုံကြည်သူသည် သက်ရှိထင်ရှားရှိစဉ်ဖြစ်စေ၊ သေဆုံးပြီးဖြစ်စေ (သူ၏ခန္ဓာကိုယ်သည်) သန့်ရှင်းစင်ကြယ်သည်။
သာသနာ့ပညာရှင်များ၊ ထူးမြတ်သူများနှင့် ဂုဏ် အရည်အချင်းတို့ဖြင့် ပြည့်စုံသော ပုဂ္ဂိုလ်များအား ဂုဏ်ပေးလေးစားခြင်းနှင့် အကောင်းဆုံးသော အခြေအနေတွင် ၎င်းတို့နှင့် အတူထိုင်ခြင်း။
နောက်လိုက်မှ ဦးဆောင်သူထံမှ ခွင့်တောင်းခြင်း၏ တရားဝင်မှု - တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အဘူဟူရိုင်ရဟ် (ရဿွိယလ္လာဟုအန်ဟု) အား သူ့ထံမှ ခွင့်မတောင်းဘဲ ထွက်ခွာသွားခြင်းအတွက် ကန့်ကွက်တော်မူခဲ့သည်။ ဤသည်မှာ ခွင့်တောင်းခြင်းသည် ကောင်းမွန်သော စည်းကမ်းချက်တစ်ခုဖြစ်သောကြောင့်တည်း။
အံ့အားသင့်ခြင်း ဖြစ်သည့်အခါတွင် "စွဗ်ဟာနလ္လာဟ်" (အလ္လာဟ်အရှင်မြတ် စင်ကြယ်သန့်ရှင်းတော်မူ၏) ဟု ပြောဆိုခြင်း။
အကျိုး‌ကျေးဇူးတစ်စုံတစ်ရာရှိပါက လူသားသည် မိမိနှင့်သက်ဆိုင်သော ရှက်ဖွယ်ကောင်းသည့် အကြောင်းအရာများကိုလည်း ပြောဆိုခွင့်ပြုထားခြင်း။
ကာဖိရ်ငြင်းပယ်သူသည် မသန့်သူဖြစ်သည်။ သို့ရာတွင် သူ၏ မသန့်မှုသည် သူ၏ အကီဒဟ်ယုံကြည်ချက်၏ ညစ်ညမ်းမှုကြောင့် ဖြစ်သော စိတ်ပိုင်းဆိုင်ရာ မသန့်မှုသာဖြစ်သည်။
အိမာမ်နဝဝီ (ရဟိမဟုလ္လာ) က ဤသို့ဆိုခဲ့သည် - "ဤဟဒီးဆ်တွင် ဤကဲ့သို့သော စည်းကမ်းချက်များလည်း ပါဝင်သည် - အကယ်၍ ပညာရှင်တစ်ဦးသည် သူ၏နောက်လိုက်တစ်ဦးအား မှားယွင်းနိုင်သည်ဟု စိုးရိမ်ရသော အမှုကိစ္စတစ်ခုခုကို မြင်တွေ့ခဲ့ပါက၊ သူ့အား ထိုကိစ္စနှင့်ပတ်သက်၍ မေးမြန်းခြင်း၊ မှန်ကန်သောအချက်ကို ပြောပြခြင်းနှင့် ၎င်း၏အမိန့်ပညတ်ချက်ကို ရှင်းလင်းပြသခြင်းတို့ ပြုလုပ်သင့်သည်။ အလ္လာဟ်အရှင်မြတ်သာလျှင် အကြွင်းမဲ့သိတော်မူသောအရှင်ဖြစ်၏။