((بلا به‌رده‌وام ئه‌زمانێ ته‌ یێ ته‌ڕ بیت ژ زكرێ خودێ

زه‌لامه‌كی گازنده‌یێن خۆ ئینانه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆتێ كو عیباده‌تێن سوننه‌ت ل سه‌ر وی بوونه‌ گه‌له‌ك و ئێدی ئه‌و نه‌شێت ژ به‌ر لاوازییا خۆ هه‌مییان بكه‌ت، پاشی داخواز ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كو ئه‌و به‌رێ وی بده‌ته‌ كاره‌كێ ب ساناهی كو خێره‌كا مه‌زن پێڤه‌ بهێت، دا ئێدی ده‌ست پێڤه‌ بگریت و به‌رده‌وام ئه‌نجام بده‌ت.

ئینا پێغه‌مبه‌ری (صه‌لات و سه‌لامێن خودێ ل سه‌ر بن) به‌رێ وی دا هندێ كو به‌رده‌وام ئه‌زمانێ وی یێ ته‌ڕ و لڤۆك بیت ژ زكرێ خودایێ مه‌زن و د هه‌می ده‌م و ڕه‌وشاندا ئه‌زمانێ خۆ ژ زكرێ خودێ ڕانه‌وه‌ستینیت، ژ ته‌سبیح و ته‌حمید و ئیستیغفار و دوعاكرنێ و یێن وه‌كی وان.