((نینه‌ مرۆڤه‌كێ موسلمان هه‌بیت ده‌مێ نڤێژه‌كا فه‌ڕز ب سه‌ر ویدا بهێت، ئه‌و ژی ب شێوه‌یه‌كێ جوان ده‌ستنڤێژێ بۆ وێ نڤێژێ بگریت و خشۆع و ڕكوعه‌كا ته‌مام تێدا ئه‌نجام بده‌ت؛ هنگی ئه‌و نڤێژ دێ بیته‌ كه‌فاره‌تا گونه‌هێن وی یێن به‌ری هنگی، هندی چ گونه‌هێن مه‌زن ئه‌نجام نه‌دابن و ئه‌ڤ چه‌نده‌ ژی بۆ هه‌می ده‌مایه‌‌))

پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو نینه‌ مرۆڤه‌كێ موسلمان هه‌بیت ده‌مێ نڤێژه‌كا فه‌ڕز ب سه‌ر ویدا بهێت، ئه‌و ژی ب شێوه‌یه‌كێ جوان ده‌ستنڤێژێ بۆ وێ نڤێژێ بگریت و چ كێماسییان تێدا نه‌كه‌ت و د نڤێژا خۆدا یێ ب خشۆع بیت، وه‌سا كو دل و ئه‌ندامێن له‌شێ وی هه‌می د ئاماده‌بن و به‌ره‌ڤ خودێڤه‌ بچن و مه‌زناهییا وی ل ده‌ڤ وی یا ئاماده‌ بیت، كریارێن نڤێژێ ژی ب ته‌مامی بكه‌ت، وه‌كی ڕكوع و سوجود و یێن دی، هنگی ئه‌ڤ نڤێژه‌ دێ بیته‌ ئه‌گه‌رێ ژێبرنا گونه‌هێن وی یێن بچویك یێن به‌ری هنگی وی كرین، هندی ئه‌وی مرۆڤی چ گونه‌هێن مه‌زن ئه‌نجام نه‌دابن. ئه‌ڤ خێر و قه‌نجییه‌ ژی یا به‌رده‌وامه‌ د هه‌می ده‌ماندا و د هه‌ر نڤێژه‌كێدا.