((هه‌ر پێنج نڤێژ، ئه‌ینی بۆ ئه‌ینییێ، ڕه‌مه‌زان بۆ ڕه‌مه‌زانێ، كه‌فاره‌ت و ژێبه‌رن بۆ گونه‌هێن د ناڤبه‌را خۆدا، (به‌لێ ب مه‌رجه‌كی) ئه‌گه‌ر مرۆڤی خۆ ژ گونه‌هێن مه‌زن دویر ئێخست))

پێغەمبەر (صەلات و سەلامێن خودێ ل سەر بن) دیار دكه‌ت كو كرنا هه‌رپێنج نڤێژێن فه‌ڕز د هه‌می شه‌ڤ و ڕۆژاندا، كرنا نڤێژا ئه‌ینییێ د هه‌می ئه‌ینییاندا، گرتنا ڕۆژییێن هه‌یڤا ڕه‌مه‌زانێ د هه‌می سالاندا، ژێبه‌ر و كه‌فاره‌تن بۆ وان گونه‌هێن بچویك یێن مرۆڤی د ناڤبه‌را واندا كرین، به‌لێ ب مه‌رجه‌كی مرۆڤی خۆ ژ گونه‌هێن مه‌زن دابیته‌ پاش و نه‌كربن، به‌لێ هندیكه‌ گونه‌هێن مه‌زنن، وه‌كی زینایێ و ڤه‌خوارنا عه‌ره‌قێ، ئه‌ڤ گونه‌هه‌ ب تنێ ب ته‌وبه‌كرنێ ژێدچن.