((مالێن خۆ نه‌كه‌نه‌ گۆڕستان، قه‌برێ من ژی نه‌كه‌نه‌ جه‌ژن (كو به‌رده‌وام بهێنه‌ سه‌ر) و صه‌له‌واتان بده‌نه‌ سه‌ر من، چونكی ب ڕاستی هه‌ر جهێ هوین لێ بن؛ صه‌له‌واتێن هه‌وه‌ دگه‌هنه‌ من))

پاشڤه‌برن ژ ئه‌نجامنه‌دانا عیباده‌تێ خودێ ل مال.
ڕێگریكرن ژ گه‌شتكرنێ ب مه‌ره‌ما سه‌ره‌دانا قه‌برێ پێغه‌مبه‌ری (صه‌لات و سه‌لامێن خودێ ل سه‌ر بن)، چونكی پێغەمبەری فه‌رمان ب صه‌له‌واتدانا ل سه‌ر خۆ کرییە و ده‌نگوباس دایه‌ كو ئه‌ڤ صه‌له‌واته‌ دگه‌هنه‌ وی، ئاماده‌كرنا باری و گه‌شتكرنا تایبه‌ت ب تنێ بۆ چوونا مزگه‌فتا وى و نڤێژكرنا ل ناڤ وێ دهێته‌ كرن.
حه‌رامه‌ مرۆڤ سه‌ره‌دانا قه‌برێ پێغه‌مبه‌ری (صه‌لات و سه‌لامێن خودێ ل سه‌ر بن) وه‌كی جه‌ژنێ لێ بكه‌ت، ئه‌ڤه‌ ژی ب دووباره‌كرن و گه‌له‌ك سه‌ره‌دانا وی ب ڕه‌نگه‌كێ تایبه‌ت و ل ده‌مه‌كێ تایبه‌ت، كا چاوا ئه‌ڤ گۆتنه‌ بۆ هه‌می قه‌برێن دی ژی دهێته‌ كرن.
قه‌در و بهایێ پێغه‌مبه‌ری (صه‌لات و سه‌لامێن خودێ ل سه‌ر بن) ل ده‌ڤ خودایێ وی، ئه‌ڤه‌ ژی ده‌مێ خودێ صه‌له‌واتدانا ل سه‌ر وی ل هه‌می ده‌م و جهان دروستكری.
ل ده‌ڤ صه‌حابییان تشته‌كێ ڕۆهن و ئاشكه‌رابوو كو پاشڤه‌برن ژ نڤێژكرنا ل سه‌ر قه‌بران هاتییه‌ كرن، له‌وا پێغه‌مبه‌ری (صه‌لات و سه‌لامێن خودێ ل سه‌ر بن) پاشڤه‌برن ژ هندێ كر مال وه‌كی قه‌بران و گۆڕستانێ لێ بهێنه‌ كرن ب وێ چه‌ندێ كو نڤێژ لێ نه‌هێنه‌ كرن.