((تەقوایا خودایێ خۆ بکەن، هەر پێنج نڤێژێن خۆ بکەن، ڕۆژیێن هەیڤا خۆ بگرن، زەکاتا مالێ خۆ بدەن و گوهدارییا دەستهەلاتدارێن خۆ بکەن؛ (ئه‌گه‌ر هه‌وه‌ ئه‌ڤه‌ كر؛) دێ چنە د ناڤ به‌حەشتا خودایێ خۆدا))

پێغه‌مبه‌ری (صه‌لات و سه‌لامێن خودێ ل سه‌ر بن) ل ڕۆژا عه‌ره‌فێ د حه‌جا خاترخواستنێدا ل سالا ده‌هێ مشه‌ختی گۆتاره‌ك بۆ خه‌لكی خواند، و ب حه‌جا خاترخواستنێ هاته‌ ناڤكرن؛ چونكی پێغه‌مبه‌ری (صه‌لات و سه‌لامێن خودێ ل سه‌ر بن) تێدا خاترا خۆ ژ خه‌لكی خواست. فه‌رمان ل هه‌می خه‌لكی كر كو ته‌قوایا خودایێ خۆ بكه‌ن، ب بجهئینانا فه‌رمانێن وی و دویركه‌ڤتن ژ پاشڤه‌برییێن وی. هه‌ر پێنج نڤێژێن خۆ یێن خودێ د شه‌ڤ و ڕۆژێدا ل سه‌ر وان فه‌ڕز كرین بكه‌ن. ڕۆژیێن هه‌یڤا ڕه‌مه‌زانێ بگرن. زه‌كاتا مالێ خۆ بده‌نه‌ كه‌سێن ژ هه‌ژی و چڕۆیكییێ تێدا نه‌كه‌ن. گوهدارییا وان كه‌سان بكه‌ن یێن خودێ كرینه‌ سه‌ركرده‌ و كاربده‌ست ل سه‌ر وان، ئه‌گه‌ر د سه‌رپێچیكرنا خودێدا نه‌بیت. ڤێجا هه‌ر كه‌سێ ڤان كاران ئه‌نجام بده‌ت؛ خه‌لاتێ وی چوونا به‌حه‌شتێیه‌.