كیژ كریار ل ده‌ڤ خودێ ژ هه‌مییان خۆشتڤیتره‌؟ گۆت: ((نڤێژ د ده‌مێ وێدا))، گۆت: پاشی كیژ؟ گۆت: ((پاشی باشبوون د گه‌ل دایك و بابان))، گۆت: پاشی كیژ؟ گۆت: ((جیهاد د ڕێكا خودێدا))

پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) هاته‌ كرن: كیژ كریار ل ده‌ڤ خودێ خۆشتڤیتره‌؟ وی ژی گۆت: نڤێژا فه‌ڕز د ده‌مێ وێدا یێ شه‌ریعه‌تی دیاركری، پاشی باشبوون د گه‌ل دایك و بابان ب باش سه‌ره‌ده‌ریكرنا د گه‌ل وان و بجهئینانا مافێن وان و دویركه‌ڤتن ژ ئازاردان و ئێشاندنا وان، پاشی جیهاد د ڕێكا خودێدا بۆ بلندكرنا په‌یڤا خودایێ مه‌زن و بەڕەڤانیکرن ژ ئایینێ ئیسلامێ و هەلگرێن وی و دیارکرنا شەئاعیرێن وی، ئەڤە ژی ب ڕوح و مالی.

ئبن مه‌سعوودی (خودێ ژێ ڕازی بیت) گۆت: ئه‌ڤ كریاره‌ بۆ من گۆتن و ئه‌گه‌ر من گۆتبایێ: پاشی كیژ؟ دا هێشتا بۆ من بێژیت.