من به‌یعه‌ت (په‌یمان) دا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ل سه‌ر شاهده‌دانا (لا إله إلا الله و أن محمداً رسول الله) و ئه‌نجامدانا نڤێژێ و دانا زه‌كاتێ و گوهداری و جێبه‌جێكرنا فه‌رمانێن ده‌ستهه‌لاتداران و شیره‌تكرن و ڤیانا باشییێ بۆ هه‌می موسلمانان

صه‌حابی جه‌ریری كوڕێ عه‌بدولڵاھی (خودێ ژێ ڕازی بیت) مه‌ ئاگه‌هدار دكه‌ت كو وی سۆز و په‌یمان دایه‌ پێغه‌مبه‌ری (صه‌لات و سه‌لامێن خودێ ل سه‌ر بن) و پێگیربوویە ل سه‌ر ته‌وحیدێ و ئه‌نجامدانا هه‌ر پێنج نڤێژێن فه‌ڕز یێن شه‌ڤ و ڕۆژا، ب هه‌می مه‌رج و ڕوكن و واجب و سوننه‌تێن وانڤه‌. هه‌روه‌سا ل سه‌ر دانا زه‌كاتا فه‌ڕز، كو ئه‌و عیباده‌ته‌كێ مالی یێ واجبـه‌ و ژ زه‌نگینان دهێته‌ وه‌رگرتن و ب كه‌سێن ژ هه‌ژی ژ هەژاران و ژ بلی وان دهێتە دان، و ل سه‌ر گوهدارییا ده‌ستهه‌لاتداران، و شیره‌تكرنا هه‌ر موسلمانه‌كی ب هندێ مرۆڤ یێ ڕژد بیت ل سه‌ر به‌رژه‌وه‌ندییا وی و گه‌هاندنا خێرێ بۆ وی و دویركرنا خرابییێ ژ وی ب ئاخڤتن و كریار.