((هه‌ر كه‌سێ حه‌ز بكه‌ت ڕزقێ وی زێده‌ و به‌رفره‌ھ بیت و ژییێ وی درێژ بیت؛ هنگی بلا په‌یوه‌ندییێن خۆ یێن مرۆڤایینییێ بگه‌هینیت))

مرۆڤێن مرۆڤی كه‌سێن نێزیكی مرۆڤینه‌ ژ لایێ بابی و دایكێ، و چه‌ند ئه‌ڤ مرۆڤه‌ پتر نێزیكی مرۆڤی بن؛ مافێ گه‌هاندنا په‌یوه‌ندییێن مرۆڤایینییێ د گه‌ل وان زێده‌تر و مه‌زنتر لێ دهێن.
جزادان هه‌ر ژ جۆرێ كریارێیه‌، له‌وا هه‌ر كه‌سێ په‌یوه‌ندییێن مرۆڤایینییێ بگه‌هینیت ب باشی و چاكییا د گه‌ل مرۆڤێن خۆ؛ خودێ ژی دێ ژی و ڕزقێ وی درێژ و به‌رفره‌ھ كه‌ت.
گه‌هاندنا په‌یوه‌ندییێن مرۆڤایینییێ ئه‌گه‌ره‌كه‌ بۆ زێده‌بوون و به‌رفره‌هبوونا ڕزقی، دیسان ئه‌گه‌ره‌كه‌ بۆ درێژبوونا ژی و ته‌مه‌نی، و هه‌ر چه‌نده‌ ئه‌جه‌ل و مرنا مرۆڤی و ڕزقێ مرۆڤی د دیاركرینه‌، به‌لێ دبیت ڕامانا وێ ئه‌ڤه‌ بیت كو دێ به‌ره‌كه‌ت كه‌ڤیته‌ د ڕزق و ژییێ مرۆڤیدا و ئه‌ڤ مرۆڤه‌ دێ كاره‌كێ زێده‌تر و باشتر و بمفاتر كه‌ت ژ وی كه‌سێ ئه‌ڤ په‌یوه‌ندییه‌ نه‌گه‌هاندین، هاتییه‌ گۆتن ژی كو زێده‌بوونا ڕزقی و ژی و ته‌مه‌نی؛ زێده‌بوونه‌كا حه‌قیقی و دروسته‌ و خودێ زاناتره‌.