គេបានកំណត់ពេលឲ្យពួកយើងក្នុងការកោរពុកមាត់ កាត់ក្រចកដៃ ដករោមក្លៀក និងកោររោមប្រដាប់ភេទ គឺមិនត្រូវទុកវាលើសពីសែសិបថ្ងៃឡើយ។

អាស្សាវកានី បាននិយាយថា៖ មតិដែលត្រូវបានជ្រើសរើស គឺវាត្រូវបានកំណត់ក្នុងរយៈពេល 40 ថ្ងៃដូចដែលបានកំណត់ដោយព្យាការី ﷺ ។ ដូចនេះ គេមិនអនុញ្ញាតឲ្យទុកហួសពីនេះឡើយ។ ហើយគេមិនចាត់ទុកថា ផ្ទុយពីស៊ុណ្ណះឡើយ ចំពោះអ្នកដែលទុកមិនព្រមកោរឬកាត់ក្រោយពីវាដុះវែង រហូតដល់ផុតពេលវេលាដែលបានកំណត់នេះ។
អ៊ិពនូ ហ៊ូពៃរ៉ោះ បាននិយាយថា៖ ហាទីស្ហនេះ គឺជាកំណត់ពេលវេលាយូរបំផុតចំពោះអ្នកដែលពន្យារពេលក្នុងការកោរឬកាត់វា។ តែជាការប្រសើរ គឺត្រូវកោរឬកាត់វាមុននឹងដល់ពេលវេលាកំណត់នេះ។
ការយកចិត្តទុកដាក់របស់សាសនាឥស្លាមចំពោះការអនាម័យ ភាពជ្រះស្អាត និងភាពស្រស់ស្អាត។
កោរពុកមាត់ តាមរយៈការដកយករោមមួយចំនួនដែលដុះនៅលើបបូរមាត់ខាងលើ។
កោររោមក្លៀក តាមរយៈការជម្រុះចោលនូវរោមដែលដុះនៅត្រង់ក្លៀក។
កោររោមប្រដាប់ភេទ៖ សំដៅលើរោមដែលដុះនៅជុំវិញប្រដាប់ភេទបុរស និងស្ត្រី។