ពិតណាស់ មានបុរសម្នាក់បានសួរណាពី ﷺ ថា៖ តើអ្វីជាទង្វើល្អបំផុតក្នុងអ៊ីស្លាម? លោកបានឆ្លើយថា៖ “គឺការផ្តល់អាហារ ហើយនិងឲ្យសាឡាមដល់អ្នកដែលអ្នកស្គាល់ និងអ្នកដែលអ្នកមិនស្គាល់”។

ការយកចិត្តទុកដាក់របស់សហាហ្ពាត់ក្នុងការចង់ដឹងពីទង្វើល្អដែលផ្តល់ផលប្រយោជន៍នៅក្នុងលោកិយ និងបរលោក។
ការឲ្យសាឡាមចំពោះគ្នា និងការផ្តល់អាហារ គឺជាទង្វើល្អបំផុតមួយក្នុងសាសនាអ៊ីស្លាម ព្រោះតែគុណតម្លៃរបស់វា និងតម្រូវការរបស់មនុស្សចំពោះវានៅគ្រប់ពេលវេលា។
តាមរយៈប្រការទាំងពីរនេះ គឺគេបានធ្វើល្អទាំងតាមរយៈពាក្យសម្តីនិងកាយវិការ ដែលវាជាទម្រង់ពេញលេញបំផុតនៃការធ្វើល្អ។
ទង្វើទាំងនេះជាប់ទាក់ទងនឹងទំនាក់ទំនងរវាងជនមូស្លីមនិងជនមូស្លីម ហើយមានទង្វើផ្សេងទៀតដែលជាប់ទាក់ទងនឹងទំនាក់ទំនងរវាងមនុស្សនិងអល់ឡោះជាម្ចាស់។
ការចាប់ផ្តើមឲ្យសាឡាមមុន គឺសម្រាប់តែរវាងជនមូស្លីមប៉ុណ្ណោះ។ ដូចនេះ គេមិនអាចផ្តើមឲ្យសាឡាមមុនទៅកាន់អ្នកគ្មានជំនឿ(កាហ្វៀរ)ឡើយ។