“នៅពេលដែលជនមូស្លីមត្រូវបានគេសួរសំណួរនៅក្នុងផ្នូរ រូបគេនឹងធ្វើសាក្សីថា គ្មានទេម្ចាស់ដែលត្រូវគោរពសក្ការៈដ៏ពិតប្រាកដ លើកលែងតែអល់ឡោះ ហើយពិតណាស់ មូហាំម៉ាត់ គឺជាអ្នកនាំសាររបស់អល់ឡោះ”។

អ្នកមានជំនឿនឹងត្រូវបានគេសួរសំណួរនៅក្នុងផ្នូរដោយម៉ាឡាអ៊ីកាត់ពីរនាក់ដែលទទួលបន្ទុកលើកិច្ចការនេះគឺ មុនកើរ និង ណាកៀរ ដូចដែលមានបញ្ជាក់នៅក្នុងហាទីស្ហជាច្រើនពីឈ្មោះទាំងពីរនេះ។ ពេលនោះ រូបគេនឹងធ្វើសាក្សីថា “لا إله إلا الله محمد رسول الله” (គ្មានទេម្ចាស់ដែលត្រូវគោរពសក្ការៈដ៏ពិតប្រាកដទេ លើកលែងតែអល់ឡោះ ហើយមូហាំម៉ាត់ជាអ្នកនាំសាររបស់អល់ឡោះ)។ ណាពី ﷺ បានមានប្រសាសន៍ថា នេះហើយជាពាក្យពេចន៍ដែលរឹងមាំ(القول الثابت)ដែលអល់ឡោះជាម្ចាស់ទ្រង់បានមានបន្ទូលអំពីពាក្យនេះថា៖ ﴿يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ ﴾ [سورة ابراهيم(27)]
(អល់ឡោះនឹងពង្រឹងដល់បណ្ដាអ្នកដែលមានជំនឿនឹងពាក្យពេចន៍ដែលរឹងមាំ(ពាក្យស្ហាហាហ្ទះ)ទាំងក្នុងជីវិតលោកិយ និងនៅថ្ងៃបរលោក)។