হে আল্লাহৰ ৰাছুল! ছাআদৰ মাক মৃত্যুবৰণ কৰিছে, গতিকে তেওঁৰ হকে কোনটো চাদাক্বাহ উত্তম হ'ব? তেখেতে ক'লেঃ "পানী"। ইয়াৰ পিছত তেওঁ এটা কুঁৱা খান্দি ক'লে যে, এইটো উম্মু ছাআদৰ বাবে অকফ কৰিলোঁ।

হাদীছটোত বৰ্ণিত হৈছে যে, পানী হৈছে আটাইতকৈ উত্তম চাদাক্বাহ।
নবী চাল্লাল্লাহু আলাইহি অছাল্লামে ছাআদক পানী দান কৰিবলৈ নিৰ্দেশনা দিছিল। কাৰণ এইটো দ্বিনী আৰু দুনিয়াৱী উভয় ক্ষেত্ৰতে উপকাৰী। প্ৰচণ্ড গৰমৰ সময়তে হওক, বা প্ৰয়োজনতে হওক নাইবা পানীৰ অভাৱৰ সময়তে হওক।
ইয়াৰ দ্বাৰা প্ৰমাণিত হয় যে, দান-খয়ৰাতৰ ছোৱাব মৃত ব্যক্তিয়ে লাভ কৰে।
ছাআদ বিন উবাদাহ ৰাদ্বিয়াল্লাহু আনহুৱে তেওঁৰ মাকৰ প্ৰতি কৰা নেকীৰ বৰ্ণনা।