তোমালোকে বতাহক গালি নিদিবা, যদি এনেকুৱা বতাহ পৰিলক্ষিত হয় যিটোক তোমালোকে অপছন্দ কৰা তেন্তে এইদৰে ক'বাঃ আল্লাহুম্মা ইন্না নাছআলুকা মিন খাইৰি হা-জিহিৰ ৰীহ, অখাইৰি মা ফীহা, অখাইৰি মা উমিৰাত বিহ, অনাউজুবিকা মিন শ্বাৰ্ৰি হা-জিহিৰ ৰীহ, অশ্বাৰ্ৰি মা ফীহা, অশ্বাৰ্ৰি মা উমিৰাত বিহ।

বতাহক গালি পাৰিবলৈ নিষেধ কৰা হৈছে, কিয়নো এইটো হৈছে এনেকুৱা এটা সৃষ্টি যিটোক পৰিচালিত কৰা হয়। গতিকে ইয়াক গালি পাৰা মানে ইয়াৰ সৃষ্টিকৰ্তা আৰু পৰিচালনাকাৰীক গালি পাৰা বুজায়। লগতে এনেকুৱা আচৰণে ব্যক্তিৰ আক্বীদায়ে তাওহীদত ত্ৰুটি আছে বুলি প্ৰমাণ কৰে।
সকলো প্ৰকাৰ সৃষ্টিৰ অনিষ্টৰ পৰা আল্লাহৰ ওচৰত আশ্ৰয় প্ৰাৰ্থনা কৰিব লাগে আৰু তেওঁৰ ফালে প্ৰত্যাৱৰ্তন কৰিব লাগে।
বতাহক কেতিয়াবা কল্যাণৰ নিৰ্দেশ প্ৰদান কৰি প্ৰেৰণ কৰা হয় আকৌ কেতিয়াবা অনিষ্ট কৰাৰ নিৰ্দেশ দি প্ৰেৰণ কৰা হয়।
ইবনে বাঝ ৰাহিমাহুল্লাহে কৈছেঃ সামগ্ৰিকভাৱে বতাহক গালি দিয়াটো হৈছে এটা গুনাহৰ কাম। কিয়নো এইটো হৈছে এনেকুৱা এটা মখলুক যিটোক পৰিচালিত কৰা হয় তথা কল্যাণ আৰু ধ্বংসৰ নিৰ্দেশ দি প্ৰেৰণ কৰা হয়। গতিকে ইয়াক গালি পাৰা উচিত নহয়। সেয়ে এইদৰে ক'ব নালাগে যে, এই বতাহৰ প্ৰতি আল্লাহৰ অভিসম্পাত হওক, অথবা এই বতাহ ধ্বংস হওক, কি বতাহ বলিছে ইয়াত কোনো কল্যাণ নাই, অথবা যিকোনো ধৰণৰ অপকথা কোৱা উচিত নহয়। বৰং মুমিন ব্যক্তিয়ে নবী চাল্লাল্লাহু আলাইহি অছাল্লামে দেখুৱাই দিয়া নিৰ্দেশনা অনুযায়ী আমল কৰা উচিত।
বতাহক গালি শপনি পাৰা হাৰাম, ইয়াক কেন্দ্ৰ কৰি শীত, গৰম, ধূলি-বালি আদিকো গালি পাৰা হাৰাম, কাৰণ আল্লাহৰ এই সৃষ্টিবোৰো তেওঁৰ নিৰ্দেশতেই পৰিচালিত হয়।