አዋጅ! ዱንያ የተረገመች ናት። አላህን ማውሳት፣ አላህን ከማውሳት ጋር የተቆራኘ፣ ዐዋቂ (ዐሊም) ወይም ዕውቀት ፈላጊ ካልሆነ በቀር በዱንያ ውስጥ ያለውም የተረገመ ነው።

ዱንያን በጥቅሉ ከመርገም የሚከለክሉ ሐዲሦች ስለመጡ አጠቃልሎ መርገም አይፈቀድም። ነገር ግን ዱንያ ውስጥ ከአላህ የሚያርቅና እርሱን ከመገዛት የሚያጠምድ ነገርን ነጥሎ መርገም ይፈቀዳል።
አላህን ከማውሳት ወይም አላህን ለማውሳት ምክንያትና አጋዥ ከሆኑ ነገሮች ውጪ ዱንያ ውስጥ ያሉ ነገሮች ሁሉ ጨዋታና ዛዛታ ናቸው።
የእውቀት፣ የእውቀት ባለቤቶችና የእውቀት ፈላጊዎች ደረጃ መገለፁን ተመልክተናል።
ኢብኑ ተይሚያህ እንዲህ ብለዋል: "ከዱንያ የሚወገዘው ያለአግባብ የተገኘ ሐራም ገንዘብ ወይም ሐላል ከሆነም ለማብዛትና ለመፎከር ተብሎ የተሰበሰበ፤ ለመፎካከርና ለመወዳደር ታስቦ የሚከማችን ገንዘብ ነው። ይህም የአይምሮ ባለቤቶች ዘንድ የተጠላ ገንዘብ ነው።"