አንዳችሁ በየቀኑ አንድ ሺህ ምንዳ መሸመት ይሳነዋልን?

ትርፍ ስራዎችን በመስራት ላይ መነሳሳቱን እንረዳለን። ይህም ትርፍ ስራዎች ወደ አምልኮዎች የሚወስዱ መሰላል ስለሆኑ ነው።
ተስቢሕና ዚክር የማድረግን ደረጃ እንረዳለን። ይህም ሰው በማይከብደው ትንሽ ስራ አማካኝነት ይህንን ያህል ትልቅ ምንዳ ያስገኛልና።
ሶሓቦች መልካም ስራዎችን ሳያዘገዩ ለመስራት ይቻኮሉ እንደነበረ እንረዳለን።
መልካም ስራዎች በአስር ይባዛሉ። ይህንንም በማስመልከት አላህ እንዲህ ብሏል: (በመልካም ስራ የመጣ ሰው ለርሱ አስር ብጤዎቿ አሉት።) [አልአንዓም: 160] ይህም ትንሹ የብዜት ደረጃ ነው። እንጂማ እስከ ሰባት መቶ እጥፍ ድረስ እንደሚባዛም ተዘግቧል።
በዚህ ሐዲሥ አንዳንድ ዘገባዎች (ወይም ከርሱ አንድ ሺህ ወንጀል ይሰረዝለታል።) ከሚለው ነቢያዊ ንግግር (ወይም) የሚለው ቃል ሳይጠቀስ (و) (ሁለቱንም እንደሚያገኝ በሚጠቁም መስተፃምር) መጥቷል። ቃሪይ እንዲህ ብለዋል: "አንዳንዴ (و) (ወይም) የሚለውን ትርጉም ለመጠቆም ትመጣለች። በሁለቱ ዘገባዎች መካከል መጋጨት የለውም። ትርጉሙም: ይህቺን ዚክር ያለ ሰው በርሱ ላይ ወንጀል ከሌለበት አንድ ሺህ ምንዳ ይፃፍለታል። በተወሰነው ይሰረዝለታል በተወሰነው ይፃፍለታል ማለት ነው። ወይም ደግሞ (ወይም) በአረብኛው (او) የምትለዋ ቃል የተፈለገባት (و) ወይም (بل) ማለት ነው። ይህ ከሆነ ደግሞ ይህንን ዚክር ያለ ሰው ሁለቱንም ያገኛል ማለት ነው። የአላህ ችሮታ ከዚህም በላይ ነውና።" ተጠናቀቀ። ማለትም አንድ ሺህ ምንዳም ያገኛል። አንድ ሺህ ወንጀሉም ይሰረዝለታል እንደማለት ነው።