HadeethEnc · 1.30.0
Yàlla mu màgg mi day tàllal loxoom ci guddi gi ngir ki doon def ñaawteef ci bëccëg gi tuub, di tàllal loxoom ci bëccëg gi ngir ki doon def ñaawteef ci guddi gi tuub, ba baa jant bi di fenke ci sowwu bi
Available translations
Choose an available translation of this Hadeeth
01
Hadeeth text
Jële na ñu ci Abuu Muusa Al-Asharii -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne: «Yàlla mu màgg mi day tàllal loxoom ci guddi gi ngir ki doon def ñaawteef ci bëccëg gi tuub, di tàllal loxoom ci bëccëg gi ngir ki doon def ñaawteef ci guddi gi tuub, ba baa jant bi di fenke ci sowwu bi.
02
Explanation
Yonnente bi -yal na ko Yàlla dolli xéewal ak mucc- day xamle ne: Yàlla day nangu tuub ci jaamam yi, Bu jaam bi defee bàkkaar ci bëccëg bi tuub ko ci guddi gi Yàlla day nangu ag tuubam, bu defee bàkkaar ci guddi gi tuub ko ci bëccëg gi Yàlla day nangu ag tuubam, Yàlla mu sell mi it day tàllal loxoom kiy tuub, ngir bég ci loolu, ak ngir nangu ko, te buntub tuub du deñ di nekk lu ñu ubbi ba baa jant bi di fenke ca sowwu ba ngir yégle jeexug àdduna, bu ca fenkee nag dañuy tëj buntub tuub.
03
Benefits
Nangu tuub luy wéy la fii ak bunt ba a ngi des di tijjiku, danañu tëj bunt ba nag bu jant bi fenkee ca sowwu ba, ak nit ki tuub njëkk muy toll ci xar-xaraleg dee, te mooy ruu gi egg ca put ga.
Bañ a xàddi aka naagu ngir Ay bàkkaar, ndax njéggalu Yàlla mu ak yërmàndeem lu yaatu la, te buntub tuub lu ñu ubbi la.
Sàrti tuub: bi ci njëkk mooy: bàyyi moy gi, ñaareel bi: réccu def gi, ñatteel bi: dogu ci bañ caa delluwaat ba fàww, lii nag mooy bu dee ci àqi Yàlla mu kawe mi la, bu dee nag dafa aju ci àqi jaam ñi, dees na sàrtal ci wérug tuub mu delloo àq ja boroomam, walla boroom àq ji baal ka ko.
Bañ a xàddi aka naagu ngir Ay bàkkaar, ndax njéggalu Yàlla mu ak yërmàndeem lu yaatu la, te buntub tuub lu ñu ubbi la.
Sàrti tuub: bi ci njëkk mooy: bàyyi moy gi, ñaareel bi: réccu def gi, ñatteel bi: dogu ci bañ caa delluwaat ba fàww, lii nag mooy bu dee ci àqi Yàlla mu kawe mi la, bu dee nag dafa aju ci àqi jaam ñi, dees na sàrtal ci wérug tuub mu delloo àq ja boroomam, walla boroom àq ji baal ka ko.
Attribution
[Muslim soloo na ko]
Categories
Share
Share hadeeth
Sharing options · 0 Total shares