අල්ලාහ්ට කිසිවක් ඔබ ආදේශ නොකරන බවටත්, සොරකම් නොකරන බවටත්, කාමයේ වරදවා නොහැසිරෙන බවටත්,

ජිහාද් අනිවාර්යය වීමට පෙර මක්කාවේ දී සිදු වූ පළමු අකබා ගිවිසුමෙහි අන්තර්ගත වූ කරුණු පැහැදිලි කිරීම.
සින්දී තුමා මෙසේ පවසයි: (යහපත් කටයුතු වලදී) යන එතුමාණන්ගේ ප්‍රකාශය වනාහි: සැබැවින්ම එතුමාණන්ගේ සියලුම කටයුතු යහපත් බව සගවන්නට කිසිවක් නැත. ඊට ප්‍රතිවිරුද්ධ දෙයක් මින් නිරූපණය නොවේ. (යහපත් කටයුතුවල දී) යන එතුමාණන්ගේ ප්‍රකාශය අවනතභාවය අනිවාර්යය වීමේ හේතු සාධක දන්වා සිටිනු පිණිසය. ඒ අනුව යහපත් නොවන කටයුතුවල දී මිනිසුන් හට අනවත නොවිය යුතුය. යහපත් කටයුතු වලදී අවනත වීමේ කොන්දේසිය ගිවිසුමෙහි පමණක් නොව පොදුවේ අත්‍යවශ්‍ය කරුණක් වන්නේය.
මුහම්මද් ඉබ්නු ඉස්මාඊල් අත්-තයිමී තුමා හා තවත් කිහිප දෙනෙක් මෙසේ පවසා සිටිති: "මෙහි දරුවන් මරා දැමීම විශේෂයෙන්ම සඳහන් කර ඇත්තේ එය මිනිස් ඝාතනයක් මෙන්ම ඥාතී සම්බන්ධකම් කපා හැරීමක් වන බැවිනි. එබැවින් මෙහි සඳහන් එම තහනම තරයේම සැළකිල්ලට ගත යුතු ය. එමෙන්ම එය ඔවුන් අතර සුලභ ව පැවති පුරුද්දක් වන බැවිනි. එනම් ගැහැණු දරුවන් වළලා දැමීම හා දිළිඳු කමට බියෙන් පිරිමි දරුවන් ඝාතනය කිරීම ය. එසේ නැතහොත් පිරිමි දරුවන් විශේෂයන් සඳහන් කර ඇත්තේ, ඔවුන් හේතුවෙන් තමන් සඳහා වූ වියදම් කප්පාදු වී ඒ සඳහා බාධාවක් විය හැකි බැවිනි.
නවවි තුමා මෙසේ පවසයි: "නියත වශයෙන්ම අල්ලාහ්ට ආදේශ කිරීම සඳහා ඔහු සමාව දෙන්නේ නැත." යන උත්තරීතර අල්ලාහ්ගේ ප්‍රකාශය මෙම හදීසයේ ඇති වැදගත්ම කාරණයෙන් සුවිශේෂී වනු ඇත. එබැවින් ආගම අත්හැර දමා ප්‍රචණ්ඩත්වය පතුරුවන්නා එසේ සිදු කිරීම හේතුවෙන් මරණ දඬුවම ක්‍රියාත්මක කළ ද එසේ ඔහු මරුමුවට පත්වීම ඔහුට ප්‍රතිකර්මයක් වන්නේ නැත.
අල්-කාළී ඉයාළ් තුමා මෙසේ පවසයි: "සැබැවින්ම දණ්ඩ නීති ක්‍රියාත්මක කිරීම ප්‍රතිකර්ම වන බව බහුතර විද්වත්හු සඳහන් කරති."