සැබැවින්ම නබි (සල්ලල්ලාහු අලයිහි වසල්ලම්) වේදනාවකදී: "ලා ඉලාහ ඉල්ලල්ලාහුල් අළීමුල් හලීම්. ලා ඉලාහ ඉල්ලල්ලාහු රබ්බුල් අර්ෂිල් අළීම්. ලා ඉලාහ ඉල්ලල්ලාහු රබ්බුස් සමාවාති වරබ්බුල් අර්ළි වරබ්බුල් අර්ෂිල් කරීම්. තේරුම: නැමදුමට සුදුස්සා සෙනෙහිවන්ත සර්වබලධාරී අල්ලාහ්ගෙන් තොරව වෙනත් දෙවිඳෙකු නැත. නැමදුමට සුදුස්සා අති මහත් අර්ෂ්හි පරමාධිපති වූ අල්ලාහ්ගෙන් තොරව වෙනත් දෙවිඳෙකු නැත. නැමදුමට සුදුස්සා අහස්හි පරමාධිපති වූද මහපොළොවේ පරමාධිපති වූද මහිමයෙන් යුත් අර්ෂ්හි පරමාධිපති වූද අල්ලාහ්ගෙන් තොරව වෙනත් දෙවිඳෙකු නැත." යැයි පවසන්නෙකු වූහ

දුක් කරදර කම්කටොලු වේදනා ඇති වූ අවස්ථාවක අල්ලාහ්ගෙන් ප්‍රාර්ථනා කර ඔහු වෙත යොමු විය යුතුය.
දුෂ්කර අවස්ථාවක් මෙම ප්‍රාර්ථනාව උසුරා ප්‍රාර්ථනා කිරීම සතුටුදායකය.
මහා කාරුණික සර්වබලධාරියාණන් ස්ථානගත වී සිටින රාජධානිය මැවීම් අතරින් වඩාත් උසස්, වඩාත් විශාල හා අතිමහත් ස්ථානයකි. සැබැවින්ම නබි (සල්ලල්ලාහු අලයිහි වසල්ලම්) තුමාණන් ඒ ගැන විස්තර කර ඇත්තේ එය ඉමහත් හා අති ගෞරවනීය ස්ථානයක් ලෙස ය.
මෙහි අහස් හා මහපොළොව විශේෂයෙන් සඳහන් කර ඇත්තේ දකින්නට ඇති විශාලතම මැවීම් ඒ දෙක වන බැවිනි.
අත්-තීබී තුමා මෙසේ පවසයි: "පරමාධිපතියාණන්ව මෙනෙහි කරමින් මෙම ප්‍රශංසාව සිදු කර ඇත්තේ දුෂ්කරතා ඉවත් කිරීමට ඔහු උචිත වන බැවිනි. සැබැවින්ම සියල්ල පිළිවෙලට සකසන්නා ඔහු ය. දේව ඒකීයත්වය ආවරණය කළ ප්‍රකාශයන් මෙහි ඇත. එය ඔහුගේ පූර්ණ ශක්තිය පෙන්වා දෙන අතිමහත් කීර්තියේ මූලයයි. දැනුම පෙන්වා දෙන ඔහුගේ ප්‍රඥාවයි. එවිට අඥානයාට ප්‍රඥාව හෝ ගෞරවය සිතා ගත නොහැක. ඒ දෙක ගෞරවණීය වර්ණනාවන්හි මූලයයි.