په جنت کې داسې یو بازار دی چې خلک ورته هره جمعه راځي

رسول الله صلی الله علیه وسلم فرمایلي چې په جنت کې داسې یو ځای دی چې هغوی پکې راټولېږي، هلته پېر او پلور نه وي، بلکې څه چې غواړي هغه اخېستلی شي، نږدې د هر اوو ورځو په اندازه وخت کې ورته یو ځل راځي، نو د شمال لورې باد راوالوځي او د دوی په مخونو او کالیو کې (ګردونه) خپاره کړي چې په دې سره یې ښکلا او ښایست زیات شي، نو چې کله خپلو کورنیو ته وروګرځي په داسې حال کې چې ښکلا او ښایست یې اضافه شوی وي، نو کورنۍ به یې ورته ووایي: قسم په الله موږ چې په وروستي ځل لیدلي وئ له هغې څخه مو ښکلا او ښایست زیات شوی دی، نو دوی به ووایي: قسم په الله چې تاسو هم ښکلي او ښایسته شوي یاست.