HadeethEnc · 1.46.0
یو آواز کوونکی به آواز وکړي چې ستاسو -بدله دا ده- چې تل به روغ یاست او نه به ناروغه کېږئ، او تاسو به تل ژوندی یئ، نو هېڅکله به نه مړه کېږئ او ستاسو -بدله دا ده- چې تل به ځوانان یاست او هېڅکله به زوړوالی درباندې نه راځي، او ستاسو -بدله دا ده- چې تل به په نعمتونو کې یاست او هېڅکله به درباندې بېچارګي نه راځي
Available translations
Choose an available translation of this Hadeeth
01
Hadeeth text
ابو سعید الخدری او ابوهریرة رضي الله عنهما له رسول الله صلی الله علیه وسلم څخه روایتوي چې هغه فرمایلي دي: «یو آواز کوونکی به آواز وکړي چې ستاسو -بدله دا ده- چې تل به روغ یاست او نه به ناروغه کېږئ، او تاسو به تل ژوندی یئ، نو هېڅکله به نه مړه کېږئ او ستاسو -بدله دا ده- چې تل به ځوانان یاست او هېڅکله به زوړوالی درباندې نه راځي، او ستاسو -بدله دا ده- چې تل به په نعمتونو کې یاست او هېڅکله به درباندې بېچارګي نه راځي» ، او دا د الله تعالی هغه وینا ده چې فرمایلي یې دي:{وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ} [الأعراف: 43]. (یعنې او دوى ته به اواز وكړى شي چې دا جنت دى چې تاسو د ده وارثان ګرځول شوي یئ، په سبب د هغو عملونو چې تاسو به كول).
02
Explanation
رسول الله صلی الله علیه وسلم فرمایلي دي چې یو اواز کوونکی به جنتيانو ته په داسې حال کې غږ وکړي چې دوی به په نعمتونو کې وي چې: تاسو به د تل لپاره په جنت کې یاست او هېڅکله به لږ هم نه ناروغه کېږئ، او تاسو به تل ژوندي یاست، هېڅکله به نه مړه کېږئ، اګر که خوب هم وي، چې یو ډول مړینه ده، او تاسو به تل ځوانان یاست، هېڅکله به نه زړېږئ، او تاسو به تل په نعمتونو کې یاست او هېڅکله به نه غمجن کېږئ او نه به له سختۍ سره مخ کېږئ، دا د الله تعالی هغه وینا ده چې فرمایي: {ونُودُوا أنْ تلكم الجنة أورثتموها بما كنتم تعملون} [الأعراف: 43].(او دوى ته به اواز وكړى شي چې دا جنت دى چې تاسو د ده وارثان ګرځول شوي یئ، په سبب د هغو عملونو چې تاسو به كول).
03
Benefits
د دنیوي ژوند تر ټولو ستر کړکېچونه چې په انسان ژوند راتنګوي که هر څومره په عیش او عشرت کې وي دا دي: ناروغي، مرګ، بوډاتوب، تنګستیا، او د دښمن له وېرې، فقر، جنګ او داسې نور چې جنتیان به ترې په امن کې وي او بشپړ نعمتونه به تر لاسه کوي.
د جنت نعمتونه د دنیا له نعمتونو سره توپیر لري؛ ځکه چې د جنت نعمتونه هېڅ وېره نلري، په داسې حال کې چې د دنیا نعمتونه دوام نلري او له ځان سره دردونه او ناروغۍ لري.
هغو نیکو اعمالو ته هڅونه چې د جنت د نعمتونو سبب ګرځي.
د جنت نعمتونه د دنیا له نعمتونو سره توپیر لري؛ ځکه چې د جنت نعمتونه هېڅ وېره نلري، په داسې حال کې چې د دنیا نعمتونه دوام نلري او له ځان سره دردونه او ناروغۍ لري.
هغو نیکو اعمالو ته هڅونه چې د جنت د نعمتونو سبب ګرځي.
Attribution
[مسلم روايت کړی دی]
Categories
Share
Share hadeeth
Sharing options · 0 Total shares