کله چې په تاسو کې یو څوک له خپل (مسلمان) ورور سره مخ شي نو سلام دې پرې واچوي، که چېرته یې په منځ کې ونه، دیوال او یا ډبره راشي او بیا ورسره مخ شي، نو بیا دې پرې هم سلام واچوي

سلام اچول مستحب دي، او دا چې د وضعیت د هر بدلون پر مهال واچول شي.
د سلام اچولو سنت پر دودولو د رسول الله صلی الله علیه وسلم سخت ټینګار او پکې مبالغه کول؛ ځکه چې دا د مسلمانانو ترمنځ مینه او پېژندګلوي راولي.
سلام په (السلام علیکم) یا په ( السلام علیکم ورحمة الله وبرکاته) الفاظو سره اچول کیږي، پرته لدې چې د ملاقات پر مهال د لومړي ځل لپاره لاس هم ورکول کیږي.
سلام دعا ده، او مسلمانان اړتیا لري چې یو بل ته دعا وکړي، که څه هم دا کار په تکراري ډول تر سره شي.