ਸ਼ੈਤਾਨ ਤੁਹਾਡੇ ਵਿੱਚੋਂ ਕਿਸੇ ਵਿਅਕਤੀ ਕੋਲ ਆਉਂਦਾ ਹੈ ਅਤੇ ਕਹਿੰਦਾ ਹੈ: ਇਸ ਚੀਜ਼ ਨੂੰ ਕਿਸ ਨੇ ਪੈਦਾ ਕੀਤਾ ਹੈ? ਉਸ ਚੀਜ਼ ਨੂੰ ਕਿਸ ਨੇ ਪੈਦਾ ਕੀਤਾ ਹੈ? ਇੰਜ ਕਰਦਿਆਂ-ਕਰਦਿਆਂ, ਕਹਿੰਦਾ ਹੈ: ਤੇਰੇ ਰੱਬ ਨੂੰ ਕਿਸ ਨੇ ਪੈਦਾ ਕੀਤਾ? ਜਦੋਂ ਇਸ ਹੱਦ ਤੱਕ ਪਹੁੰਚ ਜਾਵੇ, ਤਾਂ ਅੱਲਾਹ ਦੀ ਪਨਾਹ ਮੰਗੇ ਅਤੇ ਇਨ੍ਹਾਂ ਵਿਚਾਰਾਂ ਨੂੰ ਸੋਚਣਾ ਬੰਦ ਕਰ ਦੇਵੇ।

ਰਸੂਲੁੱਲਾਹ ﷺ ਨੇ ਇਸ ਹਦੀਸ ਵਿੱਚ ਉਨ੍ਹਾਂ ਸਵਾਲਾਂ ਦੇ ਪੱਕੇ ਤੇ ਪ੍ਰਭਾਵਸ਼ਾਲੀ ਇਲਾਜ ਬਾਰੇ ਦੱਸਿਆ ਹੈ ਜਿਨ੍ਹਾਂ ਰਾਹੀਂ ਸ਼ੈਤਾਨ ਈਮਾਨ ਵਾਲੇ ਨੂੰ ਵਸਵਸਿਆਂ (ਬੁਰੇ ਵਹਿਮ ਤੇ ਵਿਚਾਰ) ਵਿੱਚ ਪਾਉਂਦਾ ਹੈ। ਸ਼ੈਤਾਨ ਵਸਵਸੇ ਵਿੱਚ ਕਹਿੰਦਾ ਹੈ: ਇਸ ਚੀਜ਼ ਨੂੰ ਕਿਸ ਨੇ ਬਣਾਇਆ ਹੈ? ਉਸ ਚੀਜ਼ ਨੂੰ ਕਿਸ ਨੇ ਬਣਾਇਆ ਹੈ? ਆਸਮਾਨ ਨੂੰ ਕਿਸ ਨੇ ਬਣਾਇਆ ਹੈ? ਧਰਤੀ ਨੂੰ ਕਿਸ ਨੇ ਬਣਾਇਆ ਹੈ? ਜਵਾਬ ਵਿੱਚ ਮੋਮਿਨ (ਈਮਾਨ ਵਾਲਾ) ਆਪਣੇ ਦੀਨ, ਫਿਤਰਤ ਅਤੇ ਅਕਲ ਦੇ ਅਧਾਰ 'ਤੇ ਕਹਿੰਦਾ ਹੈ ਕਿ ਇਨ੍ਹਾਂ ਸਭ ਨੂੰ ਅੱਲਾਹ ਨੇ ਬਣਾਇਆ ਹੈ। ਲੇਕਿਨ ਸ਼ੈਤਾਨ ਇਨ੍ਹਾਂ ਵਸਵਸਿਆਂ ਤੱਕ ਸੀਮਤ ਨਹੀਂ ਰਹਿੰਦਾ, ਸਗੋਂ ਅੱਗੇ ਵਧਦਾ ਹੈ ਤੇ ਕਹਿੰਦਾ ਹੈ: ਤੇਰੇ ਰੱਬ ਨੂੰ ਕਿਸ ਨੇ ਪੈਦਾ ਕੀਤਾ ਜਾਂ ਬਣਾਇਆ ਹੈ? ਜਦੋਂ ਸ਼ੈਤਾਨ ਇਸ ਹੱਦ ਤੱਕ ਪਹੁੰਚ ਜਾਂਦਾ ਹੈ, ਤਾਂ ਮੋਮਿਨ ਇਨ੍ਹਾਂ ਵਸਵਸਿਆਂ ਦਾ ਮੁਕਾਬਲਾ ਤਿੰਨ ਚੀਜ਼ਾਂ ਰਾਹੀਂ ਕਰਦਾ ਹੈ:

ਅੱਲਾਹ ਉੱਤੇ ਈਮਾਨ ਲਿਆ ਕੇ

ਸ਼ੈਤਾਨ ਤੋਂ ਅੱਲਾਹ ਦੀ ਪਨਾਹ (ਸ਼ਰਨ) ਮੰਗ ਕੇ।

ਅਤੇ ਵਸਵਸਿਆਂ ਨੂੰ ਆਉਣ ਤੋਂ ਰੋਕ ਕੇ।