ਅੱਲਾਹ ਜ਼ੁਲਮ ਕਰਨ ਵਾਲੇ ਨੂੰ ਮੌਕਾ ਦਿੰਦਾ ਰਹਿੰਦਾ ਹੈ, ਲੇਕਿਨ ਜਦੋਂ ਉਸ ਨੂੰ ਫੜਦਾ ਹੈ ਤਾਂ ਫੇਰ ਛੱਡਦਾ ਨਹੀਂ

ਅਕਲਮੰਦ ਤੇ ਸਿਆਣੇ ਵਿਅਕਤੀ ਨੂੰ ਤੁਰੰਤ ਤੌਬਾ ਕਰ ਲੈਣੀ ਚਾਹੀਦਾ ਹੈ ਅਤੇ ਜੇਕਰ ਉਹ ਜ਼ੁਲਮ ਕਰਨ ਤੋਂ ਬਾਜ਼ ਨਹੀਂ ਆਉਂਦਾ ਤਾਂ ਇਹ ਨਾ ਸਮਝੇ ਕਿ ਅੱਲਾਹ ਦੇ ਜਾਲ ਤੋਂ ਬਚ ਨਿਕਲਿਆ।
ਅੱਲਾਹ ਤਆਲਾ ਜ਼ਾਲਮਾਂ ਨੂੰ ਫੌਰਨ ਸਜ਼ਾ ਦੇਣ ਦੀ ਬਜਾਏ ਮੋਹਲਤ ਦਿੰਦਾ ਹੈ, ਤਾਂ ਜੋ ਉਨ੍ਹਾਂ ਨੂੰ ਤੌਬਾ ਕਰਨ ਦਾ ਮੌਕਾ ਮਿਲ ਸਕੇ ਅਤੇ ਤੌਬਾ ਨਾ ਕਰਨ ਦੀ ਹਾਲਤ ਵਿੱਚ ਉਨ੍ਹਾਂ ਦੀ ਸਜ਼ਾ ਨੂੰ ਵਧਾ ਦਿੱਤਾ ਜਾਵੇ।
ਜ਼ੁਲਮ ਬਹੁਤ ਸਾਰੀਆਂ ਕੌਮਾਂ ਉੱਤੇ ਅੱਲਾਹ ਦੀ ਸਜ਼ਾ ਉੱਤਰਨ ਦਾ ਇੱਕ ਕਾਰਨ ਹੈ।
ਜਦੋਂ ਅੱਲਾਹ ਕਿਸੇ ਬਸਤੀ/ਕੌਮ ਨੂੰ ਬਰਬਾਦ ਕਰਦਾ ਹੈ, ਤਾਂ ਉਸ ਵਿੱਚ ਕੁੱਝ ਨੇਕ ਲੋਕ ਵੀ ਹੋ ਸਕਦੇ ਹਨ। ਅਜਿਹੇ ਨੇਕ ਲੋਕ ਕਿਆਮਤ ਦੇ ਦਿਨ ਆਪਣੀ ਨੇਕੀ ਦੀ ਹਾਲਤ ਵਿੱਚ ਹੀ ਉਠਾਏ ਜਾਣਗੇ ਅਤੇ ਇਸ ਚੀਜ਼ ਦਾ ਉਨ੍ਹਾਂ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ ਕਿ ਬਾਕੀ ਸਭ ਨਾਲ ਉਨ੍ਹਾਂ ਨੂੰ ਅਜ਼ਾਬ (ਸਜ਼ਾ) ਦਾ ਸਾਹਮਣਾ ਕਰਨਾ ਪਿਆ ਸੀ।