ਜੇ ਇਹ ਸੱਚ ਕਹਿ ਰਿਹਾ ਹੈ ਤਾਂ ਕਾਮਯਾਬ ਹੋ ਗਿਆ।

ਨਜਦ ਦੇ ਵਸਨੀਕਾਂ ਵਿੱਚੋਂ ਇੱਕ ਆਦਮੀ ਨਬੀ ਕਰੀਮ ﷺ ਦੀ ਖਿਦਮਤ ਵਿੱਚ ਹਾਜ਼ਰ ਹੋਇਆ। ਉਸਦੇ ਵਾਲ ਉਲਝੇ ਹੋਏ ਸਨ ਅਤੇ ਆਵਾਜ਼ ਉੱਚੀ ਸੀ। ਜੋ ਕੁਝ ਉਹ ਕਹਿ ਰਿਹਾ ਸੀ, ਸਮਝ ਨਹੀਂ ਆ ਰਿਹਾ ਸੀ, ਜਦ ਤੱਕ ਕਿ ਉਹ ਨਬੀ ਕਰੀਮ ﷺ ਦੇ ਨੇੜੇ ਨਾ ਆ ਗਿਆ। ਫਿਰ ਉਸ ਨੇ ਇਸਲਾਮ ਦੇ ਫਰਾਇਜ਼ ਬਾਰੇ ਪੁੱਛਿਆ।

ਫਿਰ ਨਬੀ ਕਰੀਮ ﷺ ਨੇ ਨਮਾਜ਼ ਤੋਂ ਸ਼ੁਰੂਆਤ ਕੀਤੀ ਅਤੇ ਉਸ ਨੂੰ ਦੱਸਿਆ ਕਿ ਅੱਲਾਹ ਨੇ ਹਰ ਦਿਨ ਅਤੇ ਰਾਤ ਵਿੱਚ ਉਸ ਉੱਤੇ ਪੰਜ ਨਮਾਜਾਂ ਫਰਜ਼ ਕੀਤੀਆਂ ਹਨ।

ਉਸ ਨੇ ਪੁੱਛਿਆ: ਕੀ ਇਹ ਪੰਜ ਨਮਾਜਾਂ ਤੋਂ ਇਲਾਵਾ ਵੀ ਕੋਈ ਹੋਰ ਨਮਾਜ ਮੇਰੇ ਉੱਤੇ ਲਾਜ਼ਮੀ ਹੈ?

ਉਨ੍ਹਾਂ ਨੇ ਫਰਮਾਇਆ: ਨਹੀਂ, ਮਗਰ ਜੇ ਤੂੰ ਨਫ਼ਲੀ ਨਮਾਜਾਂ ਆਪਣੇ ਤੋਰ 'ਤੇ ਪੜ੍ਹੇ।

ਫਿਰ ਨਬੀ ਕਰੀਮ ﷺ ਨੇ ਫ਼ਰਮਾਇਆ: ਅਤੇ ਜੋ ਅੱਲਾਹ ਨੇ ਤੇਰੇ ਉੱਤੇ ਫਰਜ਼ ਕੀਤਾ ਹੈ, ਉਹ ਰਮਜ਼ਾਨ ਦੇ ਮਹੀਨੇ ਦੇ ਰੋਜ਼ੇ ਹਨ।

ਉਸ ਆਦਮੀ ਨੇ ਪੁੱਛਿਆ: ਕੀ ਰਮਜ਼ਾਨ ਦੇ ਰੋਜ਼ਿਆਂ ਤੋਂ ਇਲਾਵਾ ਵੀ ਮੇਰੇ ਉੱਤੇ ਹੋਰ ਕੋਈ ਰੋਜ਼ੇ ਲਾਜ਼ਮੀ ਹਨ?

ਉਨ੍ਹਾਂ ਨੇ ਫਰਮਾਇਆ: ਨਹੀਂ, ਮਗਰ ਜੇ ਤੂੰ ਨਫ਼ਲੀ ਰੋਜ਼ੇ ਰਖੇ।

ਫਿਰ ਨਬੀ ਕਰੀਮ ﷺ ਨੇ ਉਸ ਨੂੰ ਜਕਾਤ ਬਾਰੇ ਦੱਸਿਆ।

ਉਸ ਆਦਮੀ ਨੇ ਪੁੱਛਿਆ: ਫਰਜ਼ ਜਕਾਤ ਦੇ ਬਾਅਦ ਕੀ ਮੇਰੇ ਉੱਤੇ ਹੋਰ ਕੋਈ ਸਦਕਾ ਲਾਜ਼ਮੀ ਹੈ?

ਉਨ੍ਹਾਂ ਨੇ ਫਰਮਾਇਆ: ਨਹੀਂ, ਮਗਰ ਜੇ ਤੂੰ ਨਫ਼ਲੀ ਸਦਕਾ ਦੇਵੇ।

ਜਦੋਂ ਉਹ ਆਦਮੀ ਨਬੀ ﷺ ਤੋਂ ਇਹ ਫਰਾਇਜ਼ ਸੁਣ ਕੇ ਮੁੜ ਗਿਆ, ਤਾਂ ਉਸ ਨੇ ਅੱਲਾਹ ਦੀ ਕਸਮ ਖਾਈ ਕਿ ਉਹ ਇਨ੍ਹਾਂ ਤੇ ਪੂਰੀ ਤਰ੍ਹਾਂ ਅਮਲ ਕਰੇਗਾ, ਨਾ ਵੱਧ ਨਾ ਘੱਟ।ਫਿਰ ਨਬੀ ﷺ ਨੇ ਫਰਮਾਇਆ: "ਜੇ ਕੋਈ ਆਦਮੀ ਜੋ ਕੁਝ ਉਸਨੇ ਕਸਮ ਖਾ ਕੇ ਕਿਹਾ ਹੈ, ਉਸ ਵਿੱਚ ਸੱਚਾ ਹੋਵੇ, ਤਾਂ ਉਹ ਕਾਮਯਾਬ ਹੋ ਜਾਂਦਾ ਹੈ।"