म नबी (सल्लल्लाहु अलैहि वसल्लम) को साथमा थिएँ। उहाँ एक समुदायको फोहोरको थुप्रो नजिक पुग्नुभयो र उभिएर पिसाब गर्नुभयो।

हुजैफा बिन अल-यमान (रजियल्लाहु अन्हुमा) ले बयान गरेका छन् कि उनी नबी (सल्लल्लाहु अलैहि वसल्लम) सँगै थिएँ। नबी (सल्लल्लाहु अलैहि वसल्लम) लाई पिसाब फेर्न आवश्यकता भयो, त्यसैले उहाँ मानिसहरूले घरबाट बढारेको फोहोर-मैला फाल्ने ठाउँमा (जसलाई "सुबाता" भनिन्छ) जानुभयो। त्यहाँ पुगेर उहाँले उभिएरै पिसाब फेर्नुभयो, जबकि उहाँको सामान्य बानी बसेर पिसाब फेर्ने थियो।

यो देखेर हुजैफा (रजियल्लाहु अन्हु) उहाँबाट अलिकति पर सर्नुभयो। तब नबी (सल्लल्लाहु अलैहि वसल्लम) ले उनलाई नजिक आउन भन्नुभयो । हुजैफा (रजियल्लाहु अन्हु) नजिक गएर उहाँको कुर्कुच्चाको ठीक पछाडि उभिनुभयो, ताकि त्यस अवस्थामा मानिसहरूको नजर उहाँमाथि नपरोस् र उहाँका लागि पर्दाको काम गरोस्। ।

त्यसपछि नबी (सल्लल्लाहु अलैहि वसल्लम) ले वुजू गर्नुभयो र खुट्टा धुने पालोमा, धुनुको सट्टा दुवै मोजामाथि 'मसह' गर्नुभयो र मोजा फुकाल्नुभएन। खुट्टामा लगाइने र गोलीगाँठोसम्म ढाक्ने पातलो छाला वा त्यस्तै वस्तुबाट बनेको मोजालाई 'खुफ्फ' भनिन्छ।