ကျွန်ုပ်တို့အတွက် နှုတ်ခမ်းမွေးညှပ်ရန်၊ လက်သည်း ခြေသည်းညှပ်ရန်၊ ချိုင်းမွှေးနုတ်ရန်၊ ချက်အောက်မွှေးရိတ်ရန်နှင့် ထိုအရာများအား ရက်ပေါင်း (၄၀) ထက်ကျော်လွန်ပြီး မထားကြရန် အချိန်သတ်မှတ်ပေးခြင်း ခံထားရသည်။

အိမာမ်ရှောင်ဝ်ကာနီက ဤသို့ဆိုသည်- "ရွေးချယ်ထားသည့်အဆိုမှာ- (ဤအရာများကို) တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သတ်မှတ်ပေးခဲ့သည့် ရက်(၄၀) အတွင်း ကန့်သတ်ထားသင့်သည်။ ထိုသတ်မှတ်ချက်ကို ကျော်လွန်ခွင့်မရှိပေ။ ထို့ပြင် အမွှေးအမျှင်များရှည်လာသည့်တိုင် ထိုအကန့်အသတ် ရက်ပေါင်း (၄၀) သို့ မရောက်မီ ဖြတ်တောက်ခြင်း သို့မ ဟုတ် အလားတူအရာကို စွန့်လွှတ်သူအား တမန်တော်မြတ်၏ စွန္နသ်တော်နှင့် ဆန့်ကျင်သူဟု မသတ်မှတ်ရပါ။
အိဗ်နုဟိုဗိုင်ရဟ်က ဤသို့ဆိုသည်- "ဤဟဒီးစ်တော်သည် ယင်းကိစ္စကို နောက်ဆိုင်းခြင်း၏ အဆုံးစွန်သော အချိန်ကန့်သတ်ချက်ကို ဖော်ပြထားသည်။ သို့ရာ တွင် အကောင်းဆုံးမှာ ယင်းအချိန်ကန့်သတ်ချက်မတိုင်မီပင် ထိုကိစ္စကို ဆောင်ရွက်ခြင်းဖြစ်သည်။
၁။ အစ္စလာမ်သာသနာ၏ သန့်ရှင်းမှု၊ စင်ကြယ်မှုနှင့် အလှဆင်မှုအပေါ် ဂရုစိုက်ပုံ။
၂။ နှုတ်ခမ်းမွှေးညှပ်ခြင်း - အပေါ်နှုတ်ခမ်းပေါ်ရှိ အမွှေးအမျှင်များကို ဖြတ်ယူခြင်း။
၃။ ချိုင်းမွှေးနုတ်ခြင်း - ချိုင်းကြားတွင် ပေါက်သော အမွှေးများကို ဖယ်ရှားခြင်း။ (ချိုင်းကြားသည် ပခုံးအဆစ်အောက်ရှိ နေရာဖြစ်သည်။)
၄။ ချက်အောက်မွှေးရိတ်ခြင်း - အမျိုးသား၊ အမျိုးသမီးတို့၏ လိင်အင်္ဂါတစ်ဝိုက်ရှိ ကြမ်းတမ်းသော အမွှေးများကို ဖယ်ရှားခြင်း။