‘သတိပြုကြ၊ အရက်ကို ဟရာမ်တားမြစ်လိုက်ပြီ’ ဖြစ်ကြောင်း ကြွေးကြော်ရန် အမိန့်ပေးတော်မူလေသည်

(ဤဟဒီးစ်တော်တွင်) အဘူသွလ်ဟာနှင့် အခြားစွဟာဗဟ်သာဝကကြီးများ၏ ထူးကဲမြင့်မြတ်မှုကို တင်ပြထားသည်။ အကြောင်းမှာ ၎င်းတို့သည် အလ္လာဟ်အရှင်မြတ်၏ အမိန့်တော်ကို လျင်မြန်စွာ၊ မေးခွန်းထုတ်ခြင်းမရှိဘဲ လိုက်နာခဲ့ခြင်းကြောင့်ဖြစ်သည်။ ဤသည်သာ စစ်မှန်သောမွတ်စ်လင်မ်တစ်ဦး၏ လမ်းစဉ် ဖြစ်သည်။
အလ်ခမ်ရ် ဆိုသည်မှာ - မူးယစ်စေတတ်သော အရာအားလုံးကို ခြုံငုံခေါ်ဆိုခြင်းဖြစ်သည်။
‘ဖဿွီးဟ်’ ဆိုသည်မှာ မမှည့်သေးသော စွန်ပလွံသီးနှင့် မှည့်သွားသောစွန်ပလွံသီးတို့ကို မီးမထိစေဘဲ ဖျော်စပ်ထားသော အရည်တစ်မျိုးဖြစ်သည်။ အလ်ဗုစ်ရ် ဆိုသည်မှာ- မှည့်ခါနီး စွန်ပလွံသီးကို ဆိုလိုသည်။
အိဗ်နုဟဂျရ် က မုဟလ်လဗ်၏ ပြောဆိုချက်ကို ကိုးကားပြီး “အရက်ကို လမ်းပေါ်တွင် သွန်ပစ်ရခြင်းမှာ ၎င်းကို ငြင်းပယ်ကြောင်း ကြေညာရန်နှင့် ၎င်းကို စွန့်လွှတ်ခြင်းအား ထင်ရှားစေရန်ဖြစ်ပြီး ယင်းသည် လမ်းပေါ်သွန်ချခြင်းကြောင့် စိတ်အနှောက်အယှက်ဖြစ်ရသည်ထက် အကျိုးများသော နည်းလမ်းဖြစ်သည်” ဟု ဆိုထားသည်။
အလ္လာဟ်အရှင်မြတ်၏ ဗန္ဒဟ်ကျေးကျွန်များအပေါ် ထားရှိသော ကရုဏာတော်နှင့် အရှင်မြတ်သည် အမိန့်တော်မချမှတ်မီက ပြုလုပ်ခဲ့သည့်အပြစ်အတွက် စစ်ဆေးမေးမြန်းတော်မူမည် မဟုတ်ကြောင်း ဖော်ပြထားခြင်း။
အလ္လာဟ်အရှင်မြတ်သည် အရက်ကို ဟရာမ်တားမြစ်တော်မူခဲ့သည်။ အကြောင်းမှာ ၎င်းတွင် အသိဉာဏ်နှင့် စည်းစိမ်ဥစ္စာကို ထိခိုက်စေသော ဆိုးကျိုးများ ပါဝင်ပြီး ၎င်းကြောင့် လူသားသည် သတိဉာဏ်ကင်းမဲ့ကာ အပြစ်များစွာကို ကျူးလွန်တတ်သောကြောင့် ဖြစ်သည်။