သတိပြုကြလော့။ ဤလောကကြီးသည် ကျိန်စာသင့်ခြင်းခံရပြီး၊ ၎င်းအတွင်းရှိအရာအားလုံးသည်လည်း ကျိန်စာသင့်ခြင်းခံရပေသည်။ အလ္လာဟ်အရှင်မြတ်၏ဇိကရ်(သတိရတသမှု) နှင့် ၎င်းနှင့်ဆက်နွှယ်သောအရာများ၊ သာသနာ့ပညာရှင်နှင့် ပညာသင်ယူဆည်းပူးနေသူတို့သာ ထိုအရာမှကင်းလွတ်၏။

၁။ ဒွန်ယာလောကအား ကျိန်ဆဲခွင့်လုံးဝမရှိပေ။ အကြောင်းမှာ ထိုသို့ကျိန်ဆဲခြင်းအား တားမြစ်ထားသော ဟဒီးစ်တော်များ ရှိသောကြောင့်ဖြစ်သည်။ သို့ရာတွင် အလ္လာဟ်အရှင်မြတ်ထံမှ ဝေးကွာစေပြီး အရှင်မြတ်၏ အမိန့်တော်ကိုနာခံခြင်းမှ ကင်းကွာစေသော လောကီမှ အချို့အရာများကိုမူ ကျိန်ဆဲခွင့်ရှိသည်။
၂။ ဒွန်ယာလောက၌ အရာခပ်သိမ်းသည် ကစားခြင်းနှင့် ပျော်ပါးခြင်းမျှသာဖြစ်သည်။ သို့ရာတွင် အလ္လာဟ်အရှင်မြတ်အား သတိရတသခြင်းနှင့် ထိုသို့သတိရခြင်းအတွက် အကြောင်းတရားနှင့် အထောက်အပံ့ဖြစ်စေသောအရာများမှာမူ ထိုအချက်မှကင်းလွတ်၏။
၃။ သာသနာ့ပညာ၊ သာသနာ့ပညာရှင်များနှင့် သာသနာ့ပညာကို ရှာဖွေဆည်းပူးနေသူများ၏ အဆင့်အတန်းကို တင်ပြထားခြင်း။
၄။ ရှိက်ခွလ်အစ္စလာမ် အိဗ်နုသိုင်မိယဟ် ကမိန့်ကြားသည်- ဤလောကမှ ပြစ်တင်ဝေဖန်ခြင်းခံရသောအရာမှာ ၎င်း၏သင့်လျော်သောနေရာ၌မဟုတ်ဘဲ အသုံးပြုသော ဟရာမ်တားမြစ်ထားသောအရာ၊ သို့မဟုတ် ပိုင်ဆိုင်မှုများ ပေါများခြင်းနှင့် ဂုဏ်ယူဝင့်ကြွားခြင်း၊ သို့မဟုတ် ပြိုင်ဆိုင်ဂုဏ်ယူခြင်းနှင့် အချေ အတင်ငြင်းခုံခြင်းတို့အတွက် ရည်ရွယ်သော ဟလာလ်ခွင့်ပြုသောအရာဖြစ်သည်။ ဤသည်မှာ ဉာဏ်ပညာရှင်များထံတွင် စက်ဆုပ်ရွံရှာဖွယ်အကောင်းဆုံးအရာဖြစ်သည်။