တမန်တော်မြတ် ( ဆွလ္လလ္လာဟု အလိုင်ဟိ ဝစလ္လမ် )က မိန့်တော်မူသည်မှာ - အကယ်၍ အသင်မ ( ဤရောဂါခံစားရမှုအပေါ်မှာ ) သည်းခံဖို့ ဆန္ဒရှိတယ်ဆိုရင် အသင်မအဖို့ ( အာခိရသ်မှာ )ဂျန္နသ် ရရှိမှာဖြစ်တယ်။ အကယ်၍ အသင်မ ဆန္ဒရှိတယ်ဆိုရင် ငါကိုယ်တော် အသင်မအတွက် အလ္လာဟ်အရှင်မြတ်ထံ တော်ပါးမှာ ( အရှင်မြတ်က အသင်မရဲ့ရောဂါကို ) ပျောက်ကင်းမှုပေးဖို့ ဒုအာပြုပေးတော်မူမယ်

ဒွန်ယာလောက၌ ( အရှင်မြတ်၏ ) စမ်းသပ်မှုအပေါ် သည်းခံခြင်းသည် ( နောင်တမလွန်ဘဝတွင် ) ဂျန္နသ်သုခဘုံကို စံစားရရှိစေသည်။
အိမာမ် နဝဝီက ဆိုသည်မှာ- ဤဟဒီးဆ်တော်တွင် တက်သည့်ရောဂါ( ဝက်ရူးပြန်ရောဂါ ) ခံစားရသူသည် ( ထိုရောဂါခံစားရမှုအ‌ပေါ် )အပြည့်အဝ စဝါးဗ်ရရှိမည်ဖြစ်ကြောင်း ဖော်ပြထားသည်။
စွဟာဗဟ်သာဝကကြီးများ၏ ဇနီးမယားတို့၏ သိက္ခာတည်ကြည်မှုနှင့် ရှက်တတ်မှု၊ သူမတို့၏( ကိုယ်ခန္ဓာအလှတရားကို )ဖုံးကွယ်လိုသည့် မက်ဆန္ဒ။ (ရဿွိယလ္လာဟု အန်ဟွန်းန ) ထို(ဝက်ရူးပြန်ရောဂါခံစားနေရသည့် )အမျိုးသမီးသည် မိမိ၏ကိုယ်ခန္ဓာအစိတ်အပိုင်း တစ်စုံတစ်ရာ ပေါ်လွင်ထင်ရှားမှာကို အလွန်စိုးရိမ်ကြောက်ရွံ့နေခဲ့သည်။
အိဗ်နု ဟဂျရ်သခင်က ဆိုသည်မှာ- မိမိကိုယ်ကို စွမ်းဆောင်နိုင်စွမ်းရှိသည်ဟု သိရှိပြီး ခက်ခဲမှုကို ကျင့်သုံးရန် အားနည်းမှုမရှိသူအတွက် ရုခ်စွတ်သ် ( ခွင့်ပြုမိန့်ထက် ) ရှိဒ်ဒသ် ( ခက်ခဲတင်းကျပ်သည့်အမိန့် ) ကိုကျင့်သုံးခြင်းသည် ပိုမိုကောင်းမွန်သည်။
အိဗ်နု ဟဂျရ်သခင်ကဆိုသည်မှာ- ဤဟဒီးဆ်တွင် ဆေးဝါးများထက် ဒုအာပြုခြင်းနှင့် အလ္လာဟ်အရှင်မြတ်ထံ ခိုလှုံခြင်းသည် ရောဂါအားလုံးအတွက် ပိုမိုထိရောက်ပြီး အကျိုးရှိသော ကုသမှုဖြစ်ကြောင်း၊ ထိုသို့ပြုလုပ်ခြင်း၏ ကိုယ်ခန္ဓာအပေါ် သက်ရောက်မှုနှင့် တုံ့ပြန်မှုသည် ရုပ်ပိုင်းဆိုင်ရာဆေးဝါးများ၏ သက်ရောက်မှုထက် ပိုမိုကြီးမားကြောင်း ဖော်ပြသည်။ သို့ရာတွင် ၎င်းသည် အကြောင်းနှစ်ရပ်ကြောင့်သာ အကျိုးသက်ရောက်မှုရှိမည်ဖြစ်သည်။ ၁။လူနာ၏ဘက်မှ - ရည်ရွယ်ချက်မှန်ကန်မှု ၂။ကုသပေးသူ၏ဘက်မှ - စိတ်အာရုံစူးရှမှုအား‌ ကောင်းခြင်း၊ အလ္လာဟ်အရှင်မြတ်အပေါ်ယုံကြည်ကိုးစားခြင်းနှင့် သက္ကဝါတရားထားရှိခြင်းတို့ဖြင့်မိမိ၏စိတ်နှလုံးသားကို ခိုင်မာစေသူ။
အိဗ်နုဟဂျရ်သခင်က ဆိုသည်မှာ- ဤဟဒီးဆ်တွင် ကုသမှုခံယူခြင်းကို စွန့်လွှတ်ခွင့်ပြုထားကြောင်း အထောက်အထားရှိသည်။