နဗီတမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် အိမ်သာမှထွက်လာသောအခါတိုင်း«غُفراك» "ဂွဖ်ရာနက"ဟု ရွတ်ဆို‌တော်မူလေ့ရှိသည်။

အိမ်သာမှထွက်ပြီးနောက် "ဂွဖ်ရာနက" ဟု ဆိုခြင်းသည် မွတ်စ်သဟဗ်ဖြစ်သည်။
တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အခြေအနေအမျိုးမျိုးတွင် အလ္လာဟ်အရှင်မြတ်ထံ လွတ်ငြိမ်းချမ်းသာခွင့်ကို တောင်းခံတော်မူလေ့ရှိသည်။
အိမ်သာမှထွက်ပြီးနောက် လွတ်ငြိမ်းချမ်းသာခွင့်တောင်းခံရခြင်း၏ အကြောင်းရင်းများမှာ အောက်ပါအတိုင်း ဖော်ပြထားသည် - အလ္လာဟ်အရှင်မြတ်၏ မရေမတွက်နိုင်သော ကျေးဇူးတော်များအတွက် ကျေးဇူးတင်ခြင်းမပြုနိုင်သည့် ပေါ့လျော့လစ်ဟာမှုကြောင့်ဖြစ်ပြီး၊ ထိုကျေးဇူးတော်များထဲတွင် အန္တရာယ်ရှိသောအရာများကို ခန္ဓာကိုယ်မှ လွယ်ကူစွာထွက်ခွာစေခြင်းလည်း ပါဝင်သည်။ ထို့ပြင် သဘာဝလိုအပ်ချက်ဖြည့်ဆည်းသည့်အချိန်တွင် အရှင်မြတ်၏ သတိရတသမှု (ဇိကရ်) မှ ပျက်ကွက်ခဲ့သောကြောင့် လွတ်ငြိမ်းချမ်းသာခွင့်ကို တောင်းခံခြင်းလည်း ဖြစ်သည်။