Lɩslaam ka be sẽn na n wa faril Pʋʋsgo, n maneg a koomã yõgbo, la a maan yĩn-yõgnego a Rukuu wã, rẽndame tɩ Pʋʋsgã yɩ n yaa zũnuub yaafgo, zũnuub-rãmb nins sẽn reng Pʋʋsgã taoorã, t'a sã n ka tʋm zũnuub bedre, la rẽnda yaa a vɩɩmã gill pʋgẽ

Nɑbiyɑɑmã (Wẽnd pʋʋsg la A tɩlgr be a yĩnga) vẽnegdame n wilgdẽ, tɩ lɩslaam ka be, tɩ Pʋʋsgã wakatã, sẽn yaa farilã sẽn na n ta, t'a maneg a koomã yõgbo, n pids-a, rẽ poorẽ n pʋʋs ne Wẽnd zoεεga, t'a sũurã yaa sẽn be, t'a yĩn-wilã fãa yaa sẽn toglg Wẽnde, n wa ne Wẽnd zɩslemã, n pids Pʋʋsgã tʋʋm gilli, wala Rukuu la Suguud la sẽn wõnd rẽ, rẽndame tɩ Pʋʋs-kãngã yɩ yaafa ne zũnuub sẽn reng taoore, sẽn yaa zũnuub bãanego, t'a sã n ka tʋm zũnuub bedre, la kũun-kãngã, a yaa sẽn wogend zamaanã woglem fãa la Pʋʋsg fãa pʋgẽ.