Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme n yet a suguudẽ wã «Allaahumma agfɩrlɩɩ Zanbɩɩ kulluhuu, dɩƙƙahuu wa gillahuu, wa Awwalahuu, wa Aaẖɩrahuu, wa ʿAlaaniyatahuu wa sirrahuu=m Soab A Wẽnde! Yaaf-ma n yi m zũnuubã, a fãa gilli, a kɩdgã la a bedrã, la a wʋsgã, la rẽenemã, la a yaoolemã, la sẽn vẽnegã la sẽn solgã

A ɭbn Al-Ƙayyim (Wẽnd na yols-a) yeelame: zũnuubã yaafg baoobo, a kɩdg la a bεda, a bõones la sẽn vẽenese, a rẽenem la a yaoolem, sẽn solg la sẽn vẽnege, gũgb-kãngã yaa sẽn na yɩl tɩ tuubgã kẽ yambã zũnuub-rãmb a sẽn miẽ wã la a sẽn ka miẽ wã.
B yeelame t'a renga (Dɩƙƙa) zũnuub bãanegã yeelgo n yaool yeel (Gilla) vẽenesã, bεdã, bala sẽn kosda tɩ b yaaf a zũnuubã, a sɩngda a kosgẽ wã n dʋʋda, sẽn paasde zũnuub bεdã noor wʋsg fãa yaa zũnuub bãanegã tʋms n duumdẽ wã la ka ning toaagã n wat ne-ba, tɩ yẽnda yaa wala radg sẽn tũud n kẽng zũnuub bεdẽ wã, rẽnd sõmbame tɩ b reng n lʋɩɩs yẽ taoore, n yaool n kẽng bεdẽ wã.
Lebs-m-meng Wẽnd nengẽ (A Naam zẽk yã) la bao yaafa kosg n yi zũnuub-rãmbã fãa, b bãaneg la b bεda.
A An-Nawawiy (Wẽnd na yols-a) yeelame: be a pʋgẽ sẽn yaa doaag kengre, la a gom-biisã wʋsgre, baa tɩ gom-biis sãnda sã n rag n sekame n yi sãnda.