Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ

Nabiyaamã (Wẽnd pʋʋsg la A tɩlgr be a yĩngɑ) saglame tɩ b tẽeg Wẽnd yʋʋr yelle, f sẽn wat n kẽed zakẽ la f sẽn wat n rat n na n rɩ, tɩ la ned sã n tẽeg Wẽnd yʋʋrã, n yeele (Bismillaah) a sẽn wat n kẽed a zakẽ wã la a sẽn wat n sɩng a rɩɩbã, la a sʋɩɩtãan sẽn yet a tʋmd-n-taasã: yãmb ka tar gãag zĩiga, y ka tar rɩɩb zak-kãngã pʋgẽ ye, zaka soab paama gũudum n yi yãmbã, ne a sẽn tẽeg Wẽnd yʋʋrã, (A Naam zẽkame). La ned sã n kẽ a zakẽ, n ka tẽeg Wẽnd yʋʋrã yelle, a sẽn wat n kẽedẽ wã, la a sẽn wat n rɩtẽ wã, la a sʋɩɩtãan sẽn yet a tʋmd-n-taasã, tɩ ad b paama gãag zĩiga la rɩɩb zĩigã, zak-kãngã pʋgẽ.