Nabiyaamã (Wẽnd pʋʋsg la A tɩlgr be a yĩnga) ka pʋʋs Pʋʋsgo, Wẽnd koεεg sẽn sig poorẽ: {Wẽnd sõngrã ne A pakrã sã n wa} [An-naşr (Sõngrã sʋʋra)], rẽndame t'a yeel a Pʋʋsgã pʋgẽ: «Sʋbhaanaka Rabbanaa wa bihamdika, Allahumma ɩgfɩrlɩɩ= F Naam yɩlg yã d Soabã, d pẽgd-Fo, d Soabã A Wẽnde, yaaf-ma

Sɩd-kõtbã ma wã a ʿAɑɩša (Wẽnd yard be a yĩnga) kõta kibare tɩ Nabiyaamã (Wẽnd pʋʋsg la A tɩlgr be a yĩnga) b sẽn wa n sik a zug {Wẽnd sõngrã ne A pakrã sã n wa} [An-naşr (Sõngrã sʋʋra)] a welsa Alkʋrãanã la a yãg Wẽnd sagellã (A Naam yɩ wagelle) Wẽnd sẽn yeel sʋʋrã wã pʋgẽ wã: {bɩ f yɩlg f Soabã ne A pẽgre, la f bõos-A}, tɩ Nabiyaamã rag n yɩɩme n wʋsgd n yet a rukuuẽ wã la a suguudẽ wã Pʋʋsgã sasa «Sʋbhaanaka» yɩlgem be ne Foom A Wẽnde, n yɩlgd Foom yi boogr fãa, ne sẽn ka sõmb ne Foom, «Allaahumma Rabbanaa wa bihamdikA» tɩ yaa pẽgr sẽn bʋ nonglem Fo zugu, ne Fo Zaatã sẽn pidã, tɩ fo sɩf-rãmbã la f tʋʋmã pidã «Allaahumma ɩgfɩrlɩɩ» yaaf-m la F yẽes m zũnuub-rãmbã n bas-ma la F gãndeg n bas-ma.