HadeethEnc · 1.30.0
La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara
Available translations
Choose an available translation of this Hadeeth
01
Hadeeth text
Yii a Abɩɩ Zarr nengẽ, (Wẽnd yard be a yĩnga): Tɩ neb sẽn yi Nabiyaamã Ṣahaabsẽ wã (Wẽnd pʋʋsg la A tɩlgr be a yĩnga), yeela Nabiyaamã (Wẽnd pʋʋsg la A tɩlgr be a yĩnga): Wẽnd Tẽn-tʋʋmã: ad arzεgsã rãmb looga ne keoorã zãnga, b pʋʋsda wala tõnd sẽn pʋʋsdã la b loe noor wala tõnd sẽn loetã, la b leb n maand sara ne b arzεgsã sẽn kellã, t'a yeele:«La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara». La b yeel yã Wẽnd Tẽn-tʋʋmã, rẽ yĩnga tõnd yembr fãa na n wa n bao a yõor yamleoog ne a paga la a leb n tall keoore? T'a yeele: «Yãmb ka ne t'a sã n rag ning-a haraamã pʋgẽ, a na n talla zũnuub laa? Yaa woto bala, a sã n rɩk-a n ning halaalẽ wã me a tara keoore».
02
Explanation
Ṣahaabsã tals sãnda, b togsa b halhaalã la b talemdã Nabiyaamã (Wẽnd pʋʋsg la A tɩlgr be a yĩnga), la bãmb sẽn ka tar arzεgs sẽn na n maan doose, sẽn na yɩl n paam yel-sõm-wʋsgo wala bãmb ma-biis sẽn yaa ligdã rãmb sẽn paam n maanã, tɩ bãmb me paam sõma wala bãmb sẽn maanã, bala b pʋʋsda wala bãmb sẽn pʋʋsdã la b loet noor wala bãmb sẽn loetã, la b leb n rɩkd b arzεg kεlã b maan sara-rãmba, tɩ tõnd ka tar sẽn maand ye! Tɩ Nabiyaamã (Wẽnd pʋʋsg la A tɩlgr be a yĩnga) wilgd-b bãmb me sẽn tõe maane, sẽn yaa sara-rãmba, tɩ Nabiyaamã yeele (Wẽnd pʋʋsg la A tɩlgr be a yĩnga): Rẽ yĩnga Wẽnd ka maan n kõ yãmb bũmb ning y sẽn maan sara y mensẽ wã?! Ad yãmb sẽn na n yeel: Sʋbhaana-llaah) Yɩlgr be ne Wẽnde, yãmb paamda sara yel-sõmde, yaa woto bal la (Allaahʋ Akbar) Wẽnd n yɩɩd ne bedrem yeelgo yaa sara (Al-hamdʋ Lɩllaah) Pẽgr be ne Wẽnde, yaa sara, la (Laa'ɩlaaha ɩllallaah) lɑ soab ka be tɩ sã n ka Wẽnde, yaa sara, sagl ne sẽn sõmb yaa sara, la gɩdg yel-kiti yaa sara, hal n tʋg n tãag yãmb ned fãa kẽed-n-taar ne a paga yaa sara. Tɩ b maan yel-solemd la b yeele: Wẽnd Tẽn-tʋʋmã, tõnd ned fãa na n wa maana a yõor yamleoogo n leb n tar keoore?! T'a yeele: rẽ yĩnga yãmb ka mi t'a sã n ning-a haraam pʋgẽ sẽn yaa yoob la zẽng sẽn ka rẽ, a ka tar zũnuub laa? Woto bala a sã n ning-a halaal pʋgẽ a tara yel-sõmde.
03
Benefits
Wilgda Ṣahaabsã sẽn põsd taab ne tʋʋm sõms maanego la b nong-kεgeng la yã-beed sẽn paam yel-sõm-bεda la kũun sẽn yi Wẽnd nengẽ (A Naam zẽk yã).
Wilgda tʋʋm sõmsã nems sẽn yaa wʋsgo la b gũbga tʋʋm buud fãa lɩslaam sẽn yik n yals ne-a, n lagem ne Anniy sõng la raab sõngo.
Wilgda lɩslaangã yol-yolã la a naanã wã, rẽnd lɩslaam fãa paanda bũmb ning sẽn tõe n maan n tũ Wẽnde ne bũmb-kãngã.
A An-Nawawiy yeelame (Wẽnd na yols-a): la daliil bee yãwã pʋgẽ tɩ ad yεl nins sẽn ka tũudmã b tõe n lebga tũudum ne Anniy-rãmb sẽn sɩdge, rẽnd kẽed-n-taarã yɩta tũudum t'a sã n maan Anniy wã tɩ yaa pag hakε la a rat n na n kõ, la a leb n vɩɩms ne-a vɩɩs-n-taar sẽn yaa neere wala Wẽnd saglã (A Naam zẽk yã) maa yaa bi-sõng baoobo, maa yaa a mengã la a rat n na n sek la a sek a paga, la a gɩdg b yiibã fãa tɩ b ra ges haraam, maa b tags a pʋgẽ maa b maan yɩɩgr ne-a, maa zẽng sẽn ka rẽnda, sẽn yaa sõma.
Wilgda bilg-n-taar la makr rɩkr bʋɩl yĩng tɩ yell ning sẽn ratã yɩ vẽenega, n leb n wʋmd tʋbrẽ n yɩɩda.
Wilgda tʋʋm sõmsã nems sẽn yaa wʋsgo la b gũbga tʋʋm buud fãa lɩslaam sẽn yik n yals ne-a, n lagem ne Anniy sõng la raab sõngo.
Wilgda lɩslaangã yol-yolã la a naanã wã, rẽnd lɩslaam fãa paanda bũmb ning sẽn tõe n maan n tũ Wẽnde ne bũmb-kãngã.
A An-Nawawiy yeelame (Wẽnd na yols-a): la daliil bee yãwã pʋgẽ tɩ ad yεl nins sẽn ka tũudmã b tõe n lebga tũudum ne Anniy-rãmb sẽn sɩdge, rẽnd kẽed-n-taarã yɩta tũudum t'a sã n maan Anniy wã tɩ yaa pag hakε la a rat n na n kõ, la a leb n vɩɩms ne-a vɩɩs-n-taar sẽn yaa neere wala Wẽnd saglã (A Naam zẽk yã) maa yaa bi-sõng baoobo, maa yaa a mengã la a rat n na n sek la a sek a paga, la a gɩdg b yiibã fãa tɩ b ra ges haraam, maa b tags a pʋgẽ maa b maan yɩɩgr ne-a, maa zẽng sẽn ka rẽnda, sẽn yaa sõma.
Wilgda bilg-n-taar la makr rɩkr bʋɩl yĩng tɩ yell ning sẽn ratã yɩ vẽenega, n leb n wʋmd tʋbrẽ n yɩɩda.
Attribution
[A Muslim n togs-a]
Categories
Share
Share hadeeth
Sharing options · 0 Total shares