Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã

Wilgdame tɩ sakdame tɩ b kos doaag n kõ kõtã tɩ Wẽnd na leds-a sõma n yɩɩd a sẽn yãk n kõ wã, leb n wilgdame tɩ sakdame tɩ b kos beed soab zugu tɩ Wẽnd halk a arzεkã, a sẽn maan beed ne arzεk ning n ka tõe n yãk n naf bũmb ninga n gɩdg n ka rat n yãk n naf bũmb ning Wẽnd sẽn maan tɩ yaa tɩlae n zao a zugã.
Wilgda malεgsã sẽn kot n kõt muumin-rãmbã, sẽn yãkd-b n nafdẽ, barka la sõma, la b doaaga yaa sẽn reegde.
A pirsdame tɩ b yãk n naf waagib-rãmbẽ wã la yam-yãkrẽ wã, wala ned sẽn na n naf a zak rãmba la rogem tõkre la sõmã wã ragnoya.
Wilgda ned ning sẽn yãkda n nafdẽ yel-sõmã pʋgẽ wã yɩɩdlem ning sẽn be a pʋgẽ la a baasgo yaa tɩ Wẽnd na n leds n kõ-a lame: Wẽnd yeelame (A Naam zẽk yã) (Lɑ yãmb sẽn yãk bũmb n mɑɑn neer fãɑ Yẽnd n lεbsd-ɑ, lɑ Yẽnd n yɩɩd rɩlgdbã fãɑ ne sõmblem) [Saba'ʋ (Saba'a tẽngã sʋʋra: 39].
Kos wẽng n kõ beedã soabã, yaa sẽn na n ka yãkd n naf sẽn yaa tɩlae n zao-a wã, la sã n yaa nafã ningã b sẽn bʋ nonglem la ka zao a zugã, a ka kẽed kãabg pʋgẽ, bala wakat-kãngã a ka sõmb tɩ b kos doa-yook n kõ-a ye.
Wilgda beedã la nug-kεgengã sẽn yaa haraam.