Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba

Bũmb ning b sẽn togs sẽn yaa bugsg n yi Wẽnd yʋʋrã maan yam yaal-yaal n ka tẽeg-a wã, a ka zĩ-zĩndisẽ wã bal ye, ad a gũbga zẽng sẽn ka rẽ, a An-nawawiy yeelame (Wẽnd na yols-a): b kisga ned wa zĩnd zĩigẽ, n wa bas zĩ-kãnga n ka tẽeg Wẽnd yʋʋrã a pʋgẽ ye (A Naam zẽk yã).
Mims ning sẽn paamd bãmb dũni wã yikr raarã, zem tɩ yaa yel-sõmdã la keoorã põsgre, ne bãmb ka paam n naf ne wakat-rãmbã Wẽnd tũudmã pʋgẽ, maa tɩ yaa sɩbgr la zũnuub ne bãmb sẽn maan soagl ne wakat-rãmbã Wẽnd kɩɩsg pʋgẽ wã.
Bugs-kãngã sã n mikame tɩ yaa halaalã zĩisẽ, rẽnd yɩta a wãnã ne zĩis nins sẽn yaa haraam zĩisã, tɩ wɩdgã la tẽngkam wẽendã sor segl be?!