Zoe-y Wẽnde yãmb Soabã, la y pʋʋs y wakat a nu wã, la y loe y Kiuugã la y kõ y arzεgsã Zakã , la y tũ yellã taoor-rãmbã, tɩ y kẽeda y Soabã arzãna

Nabiyaamã (Wẽnd pʋʋsg lɑ A tɩlgr be ɑ yĩngɑ) maana hʋtba, n gom ne nebã Arafa raare, Wẽnd-na-wat-ne Hagiimdẽ wã, Higrã wã yʋʋm piig poorẽ, la b pʋd-a lame tɩ Wẽnd-na-wat-ne Hagiimdu, bala Nabiyaamã (Wẽnd pʋʋsg lɑ A tɩlgr be ɑ yĩngɑ) a pʋʋsa nebã Wẽnd na wat ne beenẽ, la a sagl nebã fãa gilli tɩ b zoe Wẽnde b Soabã, n gãd Wẽnd saglsã la b zãag A sẽn gɩdgã. la b pʋʋs wakat a nu wã, Wẽnd sẽn maan tɩ yaa farilã, wĩndgã la yʋngã pʋgẽ, (A Naam zẽkame). La b loe Ramadaan kiuugã. La b kõ b arzεkã Zakã b rãmb nins sẽn sõmb ne-a la b ra maan beed ne-a ye. La b tũ neb nins Wẽnd sẽn maan-ba tɩ yaa bãmb taoor rãmbã, tɩ Wẽnd kɩɩsg sã n ka be, rẽnd ned ning sẽn maana yel-kãensã sẽn togsã, a yel-sõmd yaa arzãn kõom.