Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩlg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegame n wilg kõbgo, yãk n nafã pʋgẽ, la a tũnug-b lame tɩ b sã n wa sẽk taaba, neng ning fo sẽn na n yãk n nafe, sẽn tʋg n yaa tɩlae n zao foom n yɩɩda, rẽnd a sɩnga ne sẽn paka n yɩɩde, n yaool n ges sẽn pʋgdã; rẽnd a kõo kibare, tɩ arzεk yel-sõmd sẽn tʋg n yɩɩda, yaa lɩslaam sẽn rɩkd a arzεk n kõ ned ning rɩlgr sẽn zao yẽ wã, wala paga la biiga, rẽ poorẽ yaa yãk n naf bõn-zombdg, yẽ sẽn segl n na n zab Wẽnd sorã pʋgẽ wã, rẽ poorẽ, yaa a sẽn na n yãk n naf a tũud-n-taas la a zao-rãmba, b sẽn wat n be Wẽnd sorã pʋgẽ, n yaa Gɩhaadɩ zabdba.