Rɑ mɑɑn-y y rotã tɩ yɑɑ yɑɑd ye, lɑ y rɑ rɩk mɑm yɑoogã tɩ yɑɑ tigr bob n kẽng ye, lɑ y pʋʋs-mɑ; tɩ yãmb pʋʋsgã tɑtɑ mɑɑm y sẽn beẽ fãɑ

Hɑdiisã gɩdgdɑme tɩ b rɑ bɑs Wẽnd tũudum, A Naam zẽkame, zɑgsã pʋsẽ ye.
A gɩdgdɑ sor-bobre n tʋg Nɑbiyɑɑmã -Wẽnd pʋʋsg lɑ A tɩlgr be ɑ ɑ yĩng- kɑbrã kɑɑgre; bɑlɑ ɑ sɑglɑme tɩ b kos pʋʋsg lɑ tɩlgre n kõ-ɑ, lɑ ɑ kõ kibɑre tɩ tɑt-ɑ lɑme, lɑ sorã bobd n kẽngɑ miisrẽ wã lɑ tʋg n pʋʋs be.
Gɩdgɑme tɩ b rɑ rɩk Nɑbiyɑɑmã kɑbrã kɑɑgre tɩ lebg tigri n yɩlemdẽ ye, ne b sẽn nɑ n yɩlemd ɑ kɑɑgrã yɑlẽ ningɑ sẽn welge, n yãk wɑkɑt sẽn welge, yɑɑ woto bɑlɑ lɑ kɑbr fãɑ kɑɑgre.
Nɑbiyɑɑmã wɑoorã ɑ Sobã nengẽ, ne a sẽn kõ sor tɩ b tõe n kos pʋʋsg lɑ tɩlgre n kõ-ɑ, f sẽn be zãmɑɑn ning fãɑ lɑ zĩig ning fãɑ.
Bɑlɑ b sẽn gɩdg tɩ b rɑ pʋʋs yãɑdẽ wã yɑɑ bũmb Sɑhɑɑbsã sẽn mi; rẽ n kɩt tɩ Nɑbiyɑɑmã (Wẽnd pʋʋsg la A tɩlgr be a yĩnga) gɩdgɑme tɩ b rɑ mɑɑn rotã tɩ yɑɑ wɑlɑ yɑɑdo tɩ b pɑ pʋʋsd b pʋgẽ.