HadeethEnc · 1.30.0
Lebg n tɩ pʋʋs, tɩ fo ka pʋʋs nand ye
Available translations
Choose an available translation of this Hadeeth
01
Hadeeth text
Yii a Abɩɩ Hʋrayrat nengẽ, (Wẽnd yard be a yĩnga): Tɩ ad Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a kẽe miisrẽ wã, tɩ rao kẽ n pʋʋse, la a ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), tɩ Nabiyaamã reeg a sallemã, la a yeele: « Lebg n tɩ pʋʋs, tɩ fo ka pʋʋs nand ye». T'a lebg n tʋg n pʋʋs wala a sẽn da pʋʋsã, rẽ poorẽ, t'a wa n ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), t'a yeele: «Lebg n tʋg n pʋʋse, ad fo ka pʋʋs ye». Noor a tãabo, tɩ nedã yeele: m wẽen ne Naab ning sẽn tʋmsa foom ne sɩdã, mam ka mi Pʋʋsg sẽn yɩɩd woto ye. Tɩ Nabiyaamã yeele: «Fo sã n yik n na n pʋʋse, bɩ f yeel Allaahʋ Akbarʋ, rẽ poorẽ bɩ f karem sẽn yaa yol-yol ne foom Alkʋrãanẽ wã, rẽ poorẽ bɩ f maan Rukuu halɩ tɩ f yĩnsã wa tʋg n yõgneg tɩ fo be Rukuuẽ wã, rẽ pooẽ bɩ f roog n wa tʋg n tẽeg n yalse, rẽ poorẽ bɩ f maan suguudu halɩ tɩ f yĩnsã wa tʋg n yõgend taaba, tɩ f yaa sẽn be suguudẽ wã, rẽ poorẽ bɩ f roog tɩ f yĩnsã wa tʋg n yõgne, tɩ f yaa sẽn zĩ, la f maan f Pʋʋsgã fãa woto».
02
Explanation
Nabiyaamã (Wẽnd pʋʋsg lɑ A tɩlgr be ɑ yĩngɑ) kẽe miisrẽ wã, tɩ rao kẽ a kõomã poorẽ, n pʋʋs rakaar a yiibu, ne yãgb tʋʋl-tʋʋlle, a ka tall yĩn-yõgnego, a yalsgẽ wã la a rukuuẽ wã la a suguudẽ wã ye, la Nabiyaamã (Wẽnd pʋʋsg lɑ A tɩlgr be ɑ yĩngɑ) ra get-a lame, t'a wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) lɑ ɑ rɑ zĩi miisrɑ kɩrẽngẽ n ninga sallem, t'ɑ reeg a sallemã, la a yeel-a: Lebge! N tʋg n yɩlm f Pʋʋsgã, tɩ ad fo ka pʋʋs ye. T'a lebg n tʋg n pʋʋs tʋʋl-tʋʋlle wala a sẽn da pʋʋsã, rẽ poorẽ t'a wa ning Nabiyaamã sallem (Wẽnd pʋʋsg lɑ A tɩlgr be ɑ yĩngɑ), t'a yeel-a: Lebge! N tʋg n yɩlm f Pʋʋsgã, tɩ ad fo ka pʋʋs ye. A maana woto noor a tãabo. Tɩ raoã yeele: m wẽen ne Naab ning sẽn tʋmsa foom ne sɩdã, m ka mi Pʋʋsg sõmblem sẽn yɩɩd woto ye, bɩ f wilg-ma, tɩ Nabiyaamã yeel-a (Wẽnd pʋʋsg lɑ A tɩlgr be ɑ yĩngɑ): F sã n na n yik n tʋg Pʋʋsgẽ, bɩ f maan rẽenem Allaahʋ akbarʋ wã, rẽ poorẽ bɩ f karem Alhamdo, la f sẽn tõe n karem Alkʋrãanã pʋgẽ, rẽ poorẽ bɩ f maan rukuu halɩ n wa yõgneg Rukuuẽ wã, n rɩk f tal a yiibã n rogl f rũmã zugu, la f tẽeg f poorã n modg n zõond sõma Rukuuẽ wã, n maan rukuu wã sõma, rẽ poorẽ tɩ f rooge, n tẽeg f poorã halɩ tɩ kõbr fãa lebg a zĩigẽ, tɩ f yaa sẽn yãse, rẽ poorẽ tɩ f maan suguudu, halɩ n wa tʋg n yõgnege suguudẽ wã, la rẽndɑ yɑɑ modg t'a rĩirã ne a yõorã ta Tẽngã, la a nus-tal a yiibã la rũm a yiibã, la nus-bi wã fãa ta Tẽngã, rẽ poorẽ bɩ f rooge, halɩ n wa tʋg n yõgneg n zĩẽ suguud a yiibã sʋka, rẽ poorẽ bɩ f maan woto rakaar fãa sẽn be f Puʋsgã pʋgẽ.
03
Benefits
Pʋʋsgã zeng-raad-kãensã ka lʋɩt ye, ka ne yĩmbu, ka ne zɩɩlem, ɑ daliilã yaa b sẽn sagl nedã t'a yɩlmã, la Nabiyaamã (Wẽnd pʋʋsg lɑ A tɩlgr be ɑ yĩngɑ) ka tek a sẽn wilg-ɑ wã balɑ n bɑs-ɑ t'a ka yɩlm-a ye.
Yĩn-yõgnegã yaa zeng-raoog sẽn be Pʋʋsgã zeng-raadã pʋgẽ.
An-nawwawiy (Wẽnd na yols-a) a yeelame: bee hadiisã pʋgẽ, tɩ ned ning sẽn wa n tʋg n bas Pʋʋsgã waagib-rãmb sãnda, a Pʋʋsgã ka maneg ye.
An-nawwawiy (Wẽnd na yols-a) a yeelame: bee hadiisã pʋgẽ tɩ b maan yol-yol ne karen-biiga la zɩta, la b maan-b bʋg-bʋge, la b vẽneg masaallã la b togs raabã a pʋgẽ koεεg-koεεga, la a leb n wilg-ɑ bũmb ning sẽn pɑkã pɑ yel-pitsã ye, ɑ sẽn ka na n tõog n gũus-b n maand-b wɑkɑt fãɑ.
An-nawwawiy yeelame (Wẽnd na yols-a): bee a pʋgẽ tɩ dĩinã masaall loεkda, b sã n sok-a bũmb tɩ bũmb a to be beenẽ, tɩ soakdã tar tʋlsem ne-a la a ka soke, b bʋʋ nonglem t'a togs-a yẽ soabã, tɩ rẽnd yɩtɑ pʋ-peelem maanego, la a ka be gom sẽn pɑ pɑkã pʋgẽ ye.
Reeg-m-zugẽ ne kʋʋg koεεgã yel-sõmb sẽn be a pʋgẽ, ne nedã sẽn yeele: "m ka mi Pʋʋsg sõmblem sẽn yɩɩd woto ye, bɩ f wilg-ma".
A ɭbn Hagar (Wẽnd na yols-a) a yeelame: bee a pʋgẽ, sẽn yaa sagl ne manegr la gɩdg n yi wẽnga, la bãng baood bao bãngd t'a wilg-a.
Bee a pʋgẽ b sẽn bʋ nonglem tɩ b ning taab sallem b sẽn wat n yek taab wakato, la a lebsgã yaa tɩlae, la b bʋʋ nonglem tɩ b yɩlm-a, tɩ yek-taabã sã n yɩlme, baa tɩ b yek taabã ka zãag ye, leb n wilgdame tɩ yaa tɩlae ne loεkdã t'a leok-a sẽn wa n yaa wakat ning fãa.
Yĩn-yõgnegã yaa zeng-raoog sẽn be Pʋʋsgã zeng-raadã pʋgẽ.
An-nawwawiy (Wẽnd na yols-a) a yeelame: bee hadiisã pʋgẽ, tɩ ned ning sẽn wa n tʋg n bas Pʋʋsgã waagib-rãmb sãnda, a Pʋʋsgã ka maneg ye.
An-nawwawiy (Wẽnd na yols-a) a yeelame: bee hadiisã pʋgẽ tɩ b maan yol-yol ne karen-biiga la zɩta, la b maan-b bʋg-bʋge, la b vẽneg masaallã la b togs raabã a pʋgẽ koεεg-koεεga, la a leb n wilg-ɑ bũmb ning sẽn pɑkã pɑ yel-pitsã ye, ɑ sẽn ka na n tõog n gũus-b n maand-b wɑkɑt fãɑ.
An-nawwawiy yeelame (Wẽnd na yols-a): bee a pʋgẽ tɩ dĩinã masaall loεkda, b sã n sok-a bũmb tɩ bũmb a to be beenẽ, tɩ soakdã tar tʋlsem ne-a la a ka soke, b bʋʋ nonglem t'a togs-a yẽ soabã, tɩ rẽnd yɩtɑ pʋ-peelem maanego, la a ka be gom sẽn pɑ pɑkã pʋgẽ ye.
Reeg-m-zugẽ ne kʋʋg koεεgã yel-sõmb sẽn be a pʋgẽ, ne nedã sẽn yeele: "m ka mi Pʋʋsg sõmblem sẽn yɩɩd woto ye, bɩ f wilg-ma".
A ɭbn Hagar (Wẽnd na yols-a) a yeelame: bee a pʋgẽ, sẽn yaa sagl ne manegr la gɩdg n yi wẽnga, la bãng baood bao bãngd t'a wilg-a.
Bee a pʋgẽ b sẽn bʋ nonglem tɩ b ning taab sallem b sẽn wat n yek taab wakato, la a lebsgã yaa tɩlae, la b bʋʋ nonglem tɩ b yɩlm-a, tɩ yek-taabã sã n yɩlme, baa tɩ b yek taabã ka zãag ye, leb n wilgdame tɩ yaa tɩlae ne loεkdã t'a leok-a sẽn wa n yaa wakat ning fãa.
Attribution
[B zemsa taab a zugu (A Al-Bʋẖaariy la a Muslim n reeg-a)]
Categories
Share
Share hadeeth
Sharing options · 0 Total shares