Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu

Nabiyaamã (Wẽnd pʋʋsg la A tɩlgr be a yĩnga) kosg wʋsg fãa rag n yɩɩme, a sẽn kot Wẽnd t'A tabend-a dĩinã la tũudmã zugu, la zãag n yi kedgr la menengo, t'a Anas ɭbn Maalik maan yel-solemde (Wẽnd yard be a yĩnga) Nabiyaamã Wẽnd pʋʋsg la A tɩlgr be a yĩnga) sẽn wʋsgd ne doaag-kãngã, t'a kõ-a kibare (Wẽnd pʋʋsg la A tɩlgr be a yĩnga) tɩ ad sũya b bee nus-biya a yiib sʋka sẽn yaa Wẽnd nus-biyã, t'A toeemd-b wala A sẽn rate, Rẽnd sũurã, ad yaa yẽnda la sɩd-kũuna la kɩfẽndã zĩigã, la ad b pʋda sũuri tɩ Ƙalbʋ (lebgre) a sẽn leebd wʋsgã yĩnga, bala yẽnda n leebd n yɩɩd yʋʋre, tɩ yʋʋrã sã n pid n kota, la Wẽnd sẽn tʋll a soaba, A zĩndigda a sũurã kãndgr zugu, la a tablg-a dĩinã zugu, la Wẽnd sẽn tʋll a soaba A wẽnegd a sũurã n yi kãndgrã n tʋg kedgr la menengo.