മനുഷ്യർ വിശ്വസിക്കാൻ തക്കവണ്ണമുള്ള ഒരു ദൃഷ്ടാന്തം നൽകപ്പെടാത്ത ഒരു നബിയുമില്ല

അല്ലാഹുവിൻ്റെ നബിമാർക്ക് ദൃഷ്ടാന്തങ്ങൾ (മുഅ്ജിസത്തുകൾ) നൽകപ്പെട്ടിട്ടുണ്ട് എന്ന് ഈ ഹദീഥ് സ്ഥിരീകരിക്കുന്നു. ഇത് മാനവരാശിയോട് അല്ലാഹു കനിഞ്ഞ കാരുണ്യത്തിൻ്റെയും ഔദാര്യത്തിൻ്റെയും അടയാളമാണ്.
നബിയുടെ (ﷺ) മുഅ്ജിസത്തിൻ്റെ (ഖുർആൻ) മഹത്വവും പ്രാധാന്യവും.
നബിയുടെ (ﷺ) ഉന്നതമായ സ്ഥാനവും മറ്റു നബിമാരെക്കാൾ അവിടുത്തേക്കുള്ള ശ്രേഷ്ഠതയും.
ഇബ്നു ഹജർ (رحمه الله) പറഞ്ഞു: "എനിക്ക് നൽകപ്പെട്ടത് വഹ്യ് മാത്രമാണ്" എന്ന് നബി (ﷺ) പറഞ്ഞതുകൊണ്ട് അവിടുത്തേക്ക് ഖുർആൻ മാത്രമേ ദൃഷ്ടാന്തമായി നൽകപ്പെട്ടിട്ടുള്ളൂ എന്ന് മനസ്സിലാക്കാവതല്ല. മുൻകഴിഞ്ഞ നബിമാർക്ക് നൽകപ്പെട്ടതുപോലെയുള്ള ഭൗതികമായ ദൃഷ്ടാന്തങ്ങളും അത്ഭുതസംഭവങ്ങളും അവിടുത്തേക്ക് നൽകപ്പെട്ടിട്ടില്ലെന്നും ഈ പറഞ്ഞതിന് അർത്ഥമില്ല. മറിച്ച്, അവിടുത്തേക്ക് മാത്രം പ്രത്യേകമായി നൽകപ്പെട്ട ഏറ്റവും മഹത്തായ മുഅ്ജിസത്ത് ഇതാണ് എന്നാണ് അവിടുത്തെ വാക്കിൻ്റെ ഉദ്ദേശ്യം."
ഇമാം നവവി (رحمه الله) പറഞ്ഞു: "(ഏറ്റവും കൂടുതൽ അനുയായികൾ എനിക്കായിരിക്കുമെന്ന് ഞാൻ പ്രതീക്ഷിക്കുന്നു)" എന്ന നബിയുടെ (ﷺ) വാക്ക് നുബുവ്വത്തിന്റെ അടയാളങ്ങളിൽ പെട്ട ഒരു തെളിവാണ്. മുസ്ലിംകൾ വളരെ കുറവായിരുന്ന സാഹചര്യത്തിലാണ് അവിടുന്ന് (ﷺ) ഇത് പറഞ്ഞത്. പിന്നീട് അല്ലാഹു മുസ്ലിംകൾക്ക് വിജയങ്ങൾ നൽകുകയും അവരിൽ അപാരമായ ബറക്കത്ത് ചൊരിയുകയും ചെയ്തു. അങ്ങനെ ഇന്ന് കാണുന്ന ഈ അവസ്ഥയിലേക്ക് മുസ്ലിംകളുടെ എണ്ണം വർദ്ധിച്ചു. അല്ലാഹുവിനാണ് സർവ്വസ്തുതിയും."